COP SHOP NOU ONDER DIE SOEKLIG

Genadendal-polisiestasie in sop oor man se dood

- ANELE MFAZWE

GENADENDAL. - Die polisie hier het 'n man wat van diefstal verdink is, na bewering só erg aangerand dat hy later as gevolg van sy besering gesterf het.

Daar's nou 'n beroep om justice gedoen vir die 36-jarige Reagan Arendse, wat op 27 Junie gesterf het.

Son verneem Arendse, wat aan drugs verslaaf was, is die oggend van 6 Junie by 'n vriend se huis in die Nuwe Uitbreiding-gebied glo deur die polisie opgelaai.

Dit was nadat hy as 'n verdagte in 'n diefstalsaak uitgewys is.

Na verneem word, steel skarellaars soms die goed wat hulle aan die scrapyard verkoop het, om dit later weer te gaan verkoop, en dit is wat Arendse na bewering gedoen het.

Die polisie het hom op die betrokke dag by 'n vriend se huis gaan haal waar hulle hom van onder die bed uitgesleep het waar hy sou weggekruip het.