'GOD IS ANKER IN MY STORM'

DIE 29-jarige mode-ontwerper van Atlantis staan trots tussen kleur-ryke materiaal en onvoltooide skeppings - 'n beeld wat enkele maande gelede ondenkbaar was.

- 

Diego April Jeffries, die kreatiewe gees agter Diego April Jeffries Designs, is vandag 'n lewende getuienis van God se genesende krag nadat hy sedert Mei 2024 in remissie is van 'n seldsame vorm van velkanker.

"Ná nege biopsies, 'n oneindige aantal skanderings van 'n tumor in my linkerwang en 'n uitmergelende operasie is 'n rare 'carcinoma skin cancer' by my gediagnoseer," vertel Jeffries met 'n stem wat nou sterker klink as die siekte wat hom eens lamgelê het.

Die diagnose, wat laat in November 2023 gekom het, het sy lewe dramaties verander, maar nooit sy geloof geskud nie.

Wat hierdie verhaal werklik uitsonderlik maak, is nie net die mediese oorwinning nie, maar die onsigbare krag wat Jeffries deur elke donker dag gedra het.

"God was my alles in elke opsig van my lewe,” sê hy. Daar was dae toe ek nie eens uit die bed kon kom nie ... maar selfs toe was Hy my anker in die storm."