'GEBREK AAN HULPBRONNE DIE PROBLEM'

DIE DA in die Wes-Kaap meen 'n gebrek aan polisiehulpbronne is die oorsaak van 'n toename in massamoorde in hot spot-areas.

- 

In die onlangse massamoord is sewe mense die afgelope Saterdagoggend in die Kana-na-plakkerskamp in Guguletu doodgeskiet.

Drie ander mense is in dieselfde voorval beseer.

Dit is die vierde massamoord wat laas maand in die Kaap aangemeld is ná drie ander voorvalle vroeër in Junie.

Volgens die polisie is 'n massamoord 'n voorval waarin drie of meer mense gedood word.

Thomas Walters, 'n DA-LPP en dié party se woordvoerder oor Maatskaplike Ontwikkeling, het gesê hy is hartseer en geskok oor Saterdag se voorval.