'LIAM IS NIE OMGEKOOP'

Gayton sê dié wat dink hy het Jacobs betaal om die PA te join is rassisties

- 

MENSE wat beweer die PA het die gewese DA-LP Liam Jacobs omgekoop om by die Patriots aan te sluit, is rassisties.

Só meen Gayton McKenzie, die PA-leier, die afgelope naweek nadat Jacobs ten sterkste veroordeel is vir sy onverwagte oorlopery na die PA twee weke gelede.

McKenzie het in 'n Facebook Live gesê van die mense beweer dat hy vir Jacobs omgekoop het om die PA te join.

Hy beskryf sulke aantygings as "rassisties", want dieselfde word nie gesê as 'n wit persoon die DA verlaat om by die PA aan te sluit nie.

McKenzie het verder gesê: "Ek sal nooit toelaat dat Liam gekriminaliseer word nie, want ek het vir hom nie 'n dooie sent gegee nie."

Volgens McKenzie gaan die PA nie gou vir Jacobs terug parlement toe stuur nie, want hy moet eers in die "PA-oond" ingaan - by interne politieke strukture.