MOORD OP 'OOGAPPEL' RUK OUERS VAN HUMBLE OUTJIE

TOE Allen Mbalu (26) sy ouerhuis in Morgenster in Mitchells Plain op Vrydag 13 Junie verlaat het, het sy gesin nooit kon dink dat dit die laaste keer is dat hulle hom lewend sou sien nie.

- CARRINGTON SWARTS

Jerome Mbalu, Allen se ouer broer, sê sy broer het die huis in goeie gees verlaat om by 'n vriend in Beacon Valley te gaan kuier.

Mbalu sê Allen is die betrokke Vrydag omstreeks 18:00 saam met 'n vriendin by die huis weg. Hy het haar gevra om hom by 'n vriend in Beacon Valley af te laai.

Volgens Mbalu was hulle onder die indruk dat sy broer en die vriendin saam na die ander vriend sou gaan. Dit was egter nie die geval nie.

Toe Allen nie huis toe kom, het Jerome die vriendin gekontak.

“Die vriendin het vertel dat sy Allen net gaan aflaai het by 'n vriend se huis en weer gery het.

“Volgens dié vriendin het sy vir Allen later 'n boodskap gestuur om te vra of hy nog okay is.”