SAFA CT MAAK REG VIR FIGHT

City se besluit oor Athlone Stadium maak opslae

- ■SPORTREDAKSIE

"GENOEG is genoeg – dié keer gaan ons nie terugsit en toelaat dat ons deur die Stad Kaapstad gestoomroller word nie.

Aan die woord is Abdul Tajoodien, HOD Facilities van Safa Cape Town, nadat dit bekend geword het dat die City of Cape Town beplan om 'n groot deel van die Athlone Stadium se parkeerterrein, asook twee sportvelde (en moontlik ook die Athlone-swembaddens) gaan omskep in wat 'n "Mixed Use Development Project" genoem word.

Tajoodien het vuur gespoeg: "Dit is criminal wat hulle aan ons sportgemeenskap in dié gebied wil doen. Terselfdertyd gaan hulle ook die kapasiteit van die Athlone Stadium aansienlik verklein, wat gaan beteken dat ons nie meer groot sportgebeurtenisse hier sal kan aanbied nie."

Volgens Tajoodien sal sy organisasie nie dié keer net agteroorsit en toekyk hoe "die grootste sportkode in die land" in die Kaap verniel word nie".

"Die City wil nou ook die sportvelde op Clover Crescent agter die stadion in 'n parkeerterrein omskep. Dit word tans vir sokker en krieket gebruik.