HUISE IS OP GRAF, SẼ MAN

'N MAN van De Doorns wat ná etlike jare sy ma se graf wou besoek het, was onaangenaam verras om 'n huis op die terrein te kry waar sy glo begrawe is.

- CARRINGTON SWARTS

Jacobus Booysen (64) beweer die Breedevallei-munisipaliteit (BVM) het huise op van sy familie se grafte gebou, asook ander familielede se grafte geskend.

"Ek het in Mitchells Plain in die Kaap gebly en het in 2014 De Doorns toe getrek, en het eendag my ma se graf gaan besoek," vertel Booysen.

Hy sê toe hy by die plek opdaag waar sy ma se graf veronderstel is om te wees, het hy gesien die begraafplaas is nie meer daar nie.

"Daar was klippe op my ma se graf gepak. My drie susters en een broer is rondom my ma se graf begrawe.

"Al die huise is op grafte gebou," voeg Booysen by.

Die plek waarna Booysen verwys, is Lubisi in De Doorns. Dit was die destydse begraafplaas in Bapela-straat. Hy was die eerste keer in 2014 by die BVM-munisipaliteit in Worcester en daarna in 2017 by die munisipale kantore in De Doorns.

Lugfoto's

"Ek was twee weke gelede weer by die munisipaliteit om te vra oor die grafte.