TIETIES NOU SKOONVELD

DIE gemeenskap van Kalbaskraal buite Malmesbury is in rep en roer en sukkel om tot verhaal te kom nadat een van hulle gemeenskapslede, Oswald Tieties (24), op 18 Mei glo gesteek en ontvoer is.

- Chrislynn Sias-Louw

Nog 'n gemeenskapslid, wat blykbaar by die voorval betrokke was, is Vrydagaand deur gemeenskapslede aangerand en het in die hospitaal aan sy beserings beswyk.

Dis nou reeds 11 dae sedert Tieties se verdwyning en daar is steeds geen spoor van hom of die man wat hom glo gesteek en daarna ontvoer het nie.

Henry Haas, 'n gemeenskapsleier, vertel volgens ooggetuies het 'n man genaamd Shafiek Dreyer twee manne genader om hom te help om Tieties uit te lok na 'n afgeleë straat waar hy net “met Tieties wil gesels”.

Die twee jong mans het toe glo saam met Shafiek gegaan en Tieties in die straat gekry, nie ver van waar hy geslaap het nie.

Met hulle aankoms het die twee mans Tieties glo vasgehou en toe pluk die Shafiek glo 'n mes uit en begin Tieties herhaaldelik steek.

Daarna het hy hom glo in die kattebak van sy voertuig gelaai.

Volgens Haas het die voorval die twee manne die skrik op die lyf gejaag, waarna hulle weggehol het.

Kringtelevisie