Cerddor yn arwain preswylwyr ar daith ym Mharc Dinefwr

AE cyfansoddwr o Gymru y mae ei gerddoriaeth wedi cael ei defnyddio i hyrwyddo cyfresi teledu boblogaidd fel Game of Thrones wedi mynd â phreswylwyr cartref gofal ar “daith hudolus”.

- 

Goleuodd wynebau preswylwyr cartref gofal Bryn Seiont Newydd ym Mharc Pendine, Caernarfon, ar ôl iddynt wisgo gogls realiti rhithwir i brofi seiniau gwyllt a rhyfeddol coetir hardd wrth eistedd yn eu cadeiriau.

Syniad y cyfansoddwr a’r trefnydd cerddoriaeth arobryn Owain Llwyd, sy'n dod yn wreiddiol o Lyndyfrdwy, ger Llangollen, oedd y profiad rhithwir.

Dywedodd Kathleen Taylor, sy'n byw yn Bryn Seiont: “Roedd yn wych. Roedd fel pe bawn i yno yn y goedwig, yn gwrando ar yr adar ac yn gwylio’r ceirw, roedd yn brofiad rhyfeddol ac ysbrydoledig.”

Roedd Kathleen a'r preswylwyr eraill ymhlith y cyntaf erioed i brofi’r prosiect newydd Seiniau Gwyllt Cymru a ddyfeisiwyd gan Owain a thîm o arbenigwyr.

Ymhlith yr aelodau eraill yr oedd y cynhyrchydd a’r cyfarwyddwr teledu bywyd gwyllt Jacinth Latta, y recordydd sain bywyd gwyllt a’r dylunydd sain gofodol Axel Drioli, o Sounding Wild, a’r artist rhithwir Domonic White, o Nature's Racers.

Y gobaith yw y bydd y cydweithredu hyn yn esgor ar gyfres lwyddiannus o brofiadau lle mae golwg, sain a cherddoriaeth yn asio i ailadrodd teithiau bythgofiadwy trwy fyd natur.

Dewiswyd Parc Dinefwr, un o'r gwarchodfeydd natur harddaf yng Nghymru, ar gyfer y prosiect peilot ond eu huchelgais yn ôl Owain yw datblygu teithiau realiti rhithwir tebyg trwy dirweddau hardd ledled Cymru.