வெற்றி நிச்சயம் திட்டம் : துணை முதல்வர் உதயநிதி பேச்சு

"தமிழ்நாட்டு இளைஞர்களுடைய வெற்றிக்கு நிச்சயம் துணை நிற்போம்

- 

சென்னை ஜவகர்லால் நேரு உள்விளையாட்டு அரங்கத்தில் நடைபெற்ற நான் முதல்வன் மூன்றாம் ஆண்டு வெற்றி விழா மற்றும்" வெற்றிநிச்சயம்திட்டம்" தொடக்க விழாவில் தமிழ்நாடு துணைமுதலமைச்சர். உதயநிதி ஸ்டாலின் ஆற்றிய உரைவருமாறு :-

நான் முதல்வன் திட்டத்தை நம்முடைய மாண்புமிகு முதலமைச்சர் அவர்கள், தன்னுடைய கனவு திட்டம் என்று சொல்லி 3 ஆண்டுகளுக்கு முன்பு துவங்கி வைத்தார்கள்.

அதாவது, தமிழ்நாட்டு இளைஞர்கள் திறன் பயிற்சியோடு உயர்கல்வி பயில வேண்டும். 100 சதவீதம் அளவிற்கு வேலைவாய்ப்பை பெற வேண்டும் என்பது தான், அவருடைய அந்தக்கனவு. அந்தக்கனவை நான் முதல்வன் திட்டம் இன்று நனவாக்கிக் கொண்டிருக்கிறது. உண்மையாக்கி கொண்டிருக்கிறது.

ஏனென்றால், இதுவரைக்கும் 41 லட்சம் (Skills Certificates) திறன் சான்றிதழ்களை நான் முதல்வன் திட்டத்தின் மூலம் நாங்கள் வழங்கி இருக்கின்றோம். அதுபோல, 3 இலட்சத்துக்கும் அதிகமான இளைஞர்களுக்கு, 'நான் முதல்வன் வேலைவாய்ப்பு முகாம்கள்' (College Campus Interview) மூலம் வேலைவாய்ப்பையும் நான் முதல்வன் திட்டம் வழங்கி இருக்கின்றது.

SCOUT திட்டத்தில் பல மாணவர்கள் இங்கிலாந்து, ஜப்பான் போன்ற வெளிநாடுகளுக்கு சென்று அங்குள்ள நிறுவனங்களில் திறன் பயிற்சிகளை பெறுகிறார்கள். அங்கேயும் வேலைவாய்ப்பையும் பலர் பெற்றிருக்கிறார்கள்.