SOLOMON, BELEN AT CANINO BIDA SA ALAS VS. INDONESIA

NALAMPASAN ng Alas Pilipinas women's national team ang mahigpit na karibal sa Southeast Asia na Indonesia kasunod ng first set na pagkabigo tungo sa 22-25, 25-23, 25-13, 28-26 panalo, 2-0 na kinakitaan ng matinding banat mula sa NU Lady Bulldogs tandem nina Alyssa Solomon at Mhicaela "Bella" Belen, gayundin si dating Rookie/MVP Angel Anne Canino, kahapon sa Asian Volleyball Confederation (AVC) Women's Volleyball Nations Cup sa Dong Anh Arena sa Hanoi, Vietnam.

- 

Nangapa sa unang set ang Alas na pinaboran ng husto ang Indonesia pagdating sa breaks of the game, kung saan nagkatalo lamang sa atake ang laro pabor sa Indonesia upang makuha ang unang set. Nagtulong para sa Indonesian squad sina Ajeng Viona Adelea, Ersandrina De Vega at Mediol Stiovanny Yoku upang mailista ang karamihan sa 19 atake kontra sa 15 ng Alas.