HW se ouers gee terugvoer

Wimpie en Jolinda Botha, HW se ouers sê - eerstens baie dankie aan ons Hemelse Vader vir sy groot genade oor HW en ons in hierdie tyd.

- 

Ook dankie vir elke gebed, oproep, boodskap en almal wat 'n finansiële bydrae gemaak het. Ons staan steeds verstom oor die ongelooflike reaksie van so baie mense. Dit is die gebed van ons harte dat almal sommer dubbel soveel seën terug sal ontvang en ons gee graag terugvoer oor wat gebeur het en hoe dit tans met HW gaan.

In die laaste 14 maande het HW se linkerlong twee keer platgeval, maar albei kere was die gedeelte wat platgeval nie so groot nie en hoewel dit baie pyn veroorsaak was dit nie op daardie stadium lewensgevaarlik nie.