Geloof en hoop staan sentraal

Die pragtige kapel by die Safari Garden Centre was Sondag, 1 Maart gevul met 'n atmosfeer van geloof, aanbidding en diepe verwagting tydens 'n besondere boekbekendstelling en spesiale erediens gelei deur ds.

- 

Adriaan Swart, vertel Jano van Staden.Die verrigtinge is deur ds. Adriaan geopen, waarna die gehoor heerlik saamgesing het aan bekende Afrikaanse geestelike liedere wat die kapel met 'n gevoel van dankbaarheid en aanbidding gevul het. Die sang het 'n besondere geestelike toon vir die oggend geskep en die harte voorberei vir die boodskap uit die Woord van God.

In sy kragtige prediking het ds. Adriaan die tema "ANKERPUNT - Jesus ons enigste HOOP" behandel. Met oortuiging en insig het hy die gehoor herinner dat Jesus Christus die vaste anker is waarop gelowiges in 'n onsekere wêreld kan vertrou.

Die boodskap het diep by almal aanklank gevind en baie is aangeraak deur die eenvoudige maar kragtige waarheid van die evangelie.