తెలంగాణలో ప్రమాద ఘంటికలు

విజృంభిస్తున్న జీవనశైలి వ్యాధులు.. • ఆందోళన కలిగిస్తున్న కేంద్రం గణాంకాలు..

- 

ప్రతి పది మందిలో నలుగురికి గుండెపోటు ముప్పు...

దురలవాట్లు, నిద్రలేమి దెబ్బతీస్తున్నాయి

జాగ్రత్త పడకపోతే పెను ప్రమాదం

హైదరాబాద్, జనవరి 25 (ఆదాబ్ హైదరాబాద్): తెలంగాణలో జీవనశైలి వ్యాధులు విజృంభిస్తున్నాయి. కేంద్ర ప్రభుత్వం విడుదల చేసిన ఆరోగ్య గణాంకాలు చూస్తే మనం ఎంత డేంజర్ జోన్ లో ఉన్నామో తెలియజేస్తుంది. ప్రతి పది మందిలో నలుగురికి గుండెపోటు ముప్పు ఉంది. ఇక మరణాల్లో 42శాతం గుండె సంబంధిత వ్యాధులే. స్మోకింగ్, డ్రింకింగ్, జంక్ ఫుడ్ వల్ల యువతలో గుండె జబ్బుల ముప్పు పెరుగుతున్నది. పని ఒత్తిడి, నిద్రలేమి లాంటి సమస్యలూ కారణాలే అంటున్నారు డాక్టర్లు. అయితే ఇటీవల కాలంలో వయస్సుతో సంబంధం లేకుండా గుండె సంబంధిత వ్యాధులు ప్రజల ప్రాణాలను బలి తీసుకుంటుండటం ఆందోళన కలిగి స్తోంది. ఒకప్పుడు వృద్దులకు మాత్రమే పరిమితమైన గుండె జబ్బులు.. ఇప్పుడు పిల్లలు, యువత, మధ్య వయస్కుల్లోనూ కనిపిస్తున్నాయి. రాష్ట్రంలో గుండె సంబంధిత వ్యాధుల వల్ల సంభవిస్తున్న మరణాల రేటు గణనీయంగా పెరిగినట్లు కేంద్ర ప్రభుత్వ తాజా నివేదిక వెల్లడించింది. వైద్యపరంగా ధృవీకరించిన మరణాల్లో దాదాపు 42 శాతం గుండె, రక్తప్రసరణ సంబంధిత వ్యాధుల వల్లే సంభవిస్తున్నాయని కేంద్ర ప్రభుత్వం నివేదిక స్పష్టం చేసింది. గుండెపోటు, అధిక రక్తపోటు, పక్షవాతం లాంటి సమస్యలతోనే ప్రాణాలు కోల్పోతున్నారు.

-నివేదిక చెప్తున్నదిదే :