మనమే గెలుస్తాం (గల్పిక)

మనమే గెలుస్తాం (గల్పిక)

- డా.డి.వి.జి. శంకరరావు, మాజీ ఎంపీ. ఫోన్ : 9440836931.

సుబ్బారావు కి ఏమీ అర్ధం కావడం లేదు. ఆ వీధి వీధంతా కొత్తగా ' ఎన్నికల జోస్యం' కేంద్రాలు స్పా సెంటర్లలా వెలిశాయి. ఆంధ్ర ప్రదేశ్ ఎన్నికల్లో ఈ సారి దేశంలోనే రికార్డు స్థాయిలో ఓటర్లు పాల్గొన్నారు.సుబ్బారావు ఉన్న టౌన్ లోనూ అదే జరిగింది.

ఓడలు, బళ్లు, బస్సులు, రైళ్లు ఒకటేమిటి ఏదిబడితే అది పట్టుకుని ఊరొచ్చి ఓటేసి వెళ్ళారు. దానితో ఎన్నికల ఫలితాల కోసం చచ్చే ఉత్కంఠ నెలకొంది. పోనీ వచ్చిన వారు బహిరంగంగా ఏదో పార్టీకి కన్నుగీటినట్టు కనబడినా కొంత మెరుగ్గా ఉండేది. ఎటుచూస్తే అటు చూసినట్టు కనబడే మోనాలిసా చిత్రంలాగా, ఎటూ తెలియని కుడి, ఎడమ కన్నులు తమనే గీటినట్టు భావించేలా అందరూ అనుకునేలా జాగ్రత్త జాగ్రత్త పడ్డారు. దానితో క్యూరియాసిటీ. అది కాదు సుబ్బారావు అయోమయానికి కారణం. వీధి వీధంతా ఉన్న జోస్యం కేంద్రాల్లో తన మిత్రుడు బాబూరావు కేంద్రంలోనే ఇసకేస్తే రాలని జనం. పైగా పార్టీ పెద్దలు కూడా క్యూ కడుతున్నారు. అదీ సవాలక్ష షరతులు రాసిన బోర్డు పెట్టుకుని మరీ నడుపుతున్నాడు.

బోర్డు పైన వరసగా షరతులు ఇలా ఉన్నాయి.