ഒരു ഡോക്യുമെന്ററി, ഒരുപാട്ചോദ്യങ്ങൾ

ഇന്ത്യൻ ജനാധിപത്യവും കുത്തക മുതലാളിത്ത രാജ്യങ്ങളെന്നു നാം എപ്പോഴും കുറ്റപ്പെടുത്തുന്ന അമേരിക്കയിലെയും ഓസ്ട്രേലിയയിലെയും ജനാധിപത്യ മര്യാദകളെയും കുറിച്ചാണ്. അവരുടെ ഔന്നത്യത്തിലേക്ക് ഇന്ത്യൻ ജനാധിപത്യം എന്നായിരിക്കും വളർന്നെത്തുക?

- അഭിനന്ദ്

ഒരു ഡോക്യുമെന്ററിയുടെ പേരിൽ ഇന്ത്യ നീറുകയാണ്. ഒരു രാജ്യത്തിന്റെ ഭരണസാരഥ്യം പേറുന്ന വ്യക്തിയെ പ്രതിസ്ഥാനത്തു നിറുത്തി മറ്റൊരു രാജ്യത്തിന്റെ ഔദ്യോഗിക മാധ്യമമെന്നു പറയാവുന്ന സ്ഥാപനം ഡോക്യുമെന്ററി തയ്യാറാക്കി ലോകത്തെയാകെ കാ ണിക്കുന്നതിലെ ധാർമികത പ്രതിപക്ഷത്തെ പോലും പലരും ചോദ്യം ചെയ്യുന്നുണ്ട്. അതല്ല, മാധ്യമ സ്വാതന്ത്ര്യത്തിന്റെ ഭാഗമായി ഡോക്യുമെന്ററിയെ വിലയിരുത്തിയാൽ മതിയെന്ന ചർച്ചകളും ലോകമാകെ സജീവമാണ്. ഇവിടെ ചർച്ച ചെയ്യാൻ ഉദ്ദേശിക്കുന്നത് ഇന്ത്യൻ പ്രധാനമന്ത്രിയെ പ്രതിക്കൂട്ടിൽ നിറുത്തി ബിബിസി തയ്യാറാക്കിയ ഡോക്യു മെന്ററിയുടെ നന്മതിന്മകളെക്കുറിച്ചല്ല. മറിച്ചു ലോകത്തിനു മാതൃകയെന്നൊക്കെ പറയുന്ന ഇന്ത്യൻ ജനാധിപത്യവും കുത്തക മുത ലാളിത്ത രാജ്യങ്ങളെന്നു നാം എപ്പോഴും കുറ്റ പ്പെടുത്തുന്ന അമേരിക്കയിലെയും ഓസ്ട്രേലി യയിലെയും ജനാധിപത്യ മര്യാദകളെയും കുറിച്ചാണ്. അവരുടെ ഔന്നത്യത്തിലേക്ക് ഇന്ത്യൻ ജനാധിപത്യം എന്നായിരിക്കും വളർന്നെത്തുക? ചുവന്ന ട്രാഫിക് ലൈറ്റ് കത്തിക്കിടക്കു മ്പോഴും ചോദിക്കാൻ ആരുണ്ടെടാ എന്ന ഭാവ ത്തിൽ സൈറൻ മുഴക്കിയും ചെവി പൊട്ടുന്ന ഹോൺ മുഴക്കിയും മുന്നേറുന്ന വി വി ഐ പിക ളെക്കൊണ്ടു പൊറുതി മുട്ടുന്ന ജനാധിപത്യമാണ് ഇന്ത്യയിലേത്. നൂറ്റാണ്ടുകൾ ബ്രിട്ടീഷുകാരൻ നമ്മളോട് എന്തു ചെയ്തുവോ അതിന്റെ തനി യാവർത്തനങ്ങളാണ് ഇന്നും ഇന്ത്യൻ പൊലീസ് സ്റ്റേഷനുകളിലും സർക്കാർ ഓഫീസുകളിലും കാ ണുന്നത്.

കൊടിവച്ച കാറിലെ വി വി ഐ പികള വേണ്ടി വാഹനങ്ങൾ എത്രനേരം വേണമെങ്കിലും തടഞ്ഞിടാൻ നമ്മുടെ പൊലീസിന് ഒരു മടിയുമില്ല. ജനം നിസ്സഹായരായി നോക്കിനിൽക്കെ കൊ ടിവച്ച കാറുകളിലിരിക്കുന്ന വി വി ഐ പികൾ അവരെ പുച്ഛത്തോടെ നോക്കിക്കൊണ്ടു പറന്നു പോകുന്ന കാഴ്ചയും നമുക്കു പുത്തരിയല്ല.

തിരുവനന്തപുരത്തെയോ ന്യൂഡൽഹിയിലെയോ ഈ കൊച്ചിയിലെയോ കാഴ്ചകളിൽ നിന്ന് ഓസ്ട്രേലിയയിലെ മറ്റൊരു കാഴ്ചയിലേക്കു പോ കാം. 2020 ജൂണിലാണ് ലോകമാകെ സോഷ്യൽ മീഡിയ ചർച്ച ചെയ്ത ഈ സംഭവം നടക്കുന്നത്. അന്ന് ഓസ്ട്രേലിയിൽ പ്രധാനമന്ത്രി സ്കോട്ട് മോറി സണാണ്.

പ്രധാനമന്ത്രിയെ വിരട്ടുന്ന കർഷകൻ

ന്യൂ സൗത്ത് വെയിൽസ് സംസ്ഥാനത്തെ ഗൂഗോംഗിലാണ് സംഭവം നടന്നത്. ഈ സ്ഥലത്ത് ഒരു പുതിയ ഭവന പദ്ധതി പ്രഖ്യാപിക്കാൻ എത്തിയപ്പോൾ മോറിസൺ മാധ്യമങ്ങളുടെ ചോ ദ്യങ്ങൾക്കു മറുപടി പറയുകയായിരുന്നു.