అవినీతిపై కేసు వేస్తే ఖతం చేస్తారా?

రాజలింగం హత్య వెనక ఎన్నో అనుమానాలు ఇది ప్రొఫెషనల్ కిల్లర్స్ పనే నేడు కోర్టులో విచారణకు కేసు ముందురోజే దారుణ హత్య కాళేశ్వరం అవినీతి

- 

రాజలింగం హత్య వెనక ఎన్నో అనుమానాలు ఇది ప్రొఫెషనల్ కిల్లర్స్ పనే నేడు కోర్టులో విచారణకు కేసు ముందురోజే దారుణ హత్య కాళేశ్వరం అవినీతి, మేడిగడ్డ కుంగుబాటుపై న్యాయపోరాటం భూపాలపల్లి జీపీ వ్యవహారంతో కేసు కొట్టివేత హైకోర్టుకు వెళ్లిన రాజలింగం ఆర్నెళ్ల క్రితం ఆయన లాయర్ ఆకస్మిక మృతి కింది కోర్టు జీపీ వ్యవహారంపై ఇంటెలిజెన్స్ నివేదిక ఈ కేసులో కేసీఆర్, హరీశ్, మేఘా కృష్ణారెడ్డితోపాటు ఐఏఎస్ కు నోటీసులు ఇంకా హైకోర్టులో కొనసాగుతున్న కాళేశ్వరం అవినీతి కేసు ఈ కేసులో ఇద్దరు చనిపోవడంతో అనేక డౌట్స్ కాళేశ్వరంపై కేసు వేసిన న్యాయవాది, పిటిషనర్ మరణాలపై స్వేచ్ఛ ఎక్స్ క్లూజివ్ స్టోరీ.

Rajalingamurthy Murder: కాళేశ్వరం ప్రాజెక్టులో (kaleshwaram) అవినీతి జరిగిందని, మేడిగడ్డ బ్యారేజ్ కుంగిపోవడానికి కారణమంటూ ఆనాటి ముఖ్యమంత్రి కేసీఆర్ (KCR), అప్పటి మంత్రి హరీశ్రావ (Harish rao)తో పాటు నిర్మాణ సంస్థ అధిపతి అయిన మేఘా కృష్ణారెడ్డిపై (Megha krishnareddy) కేసు వేసిన సామాజిక కార్యకర్త నాగవల్లి రాజలింగమూర్తి దారుణ హత్యకు గురయ్యారు. బుధవారం రాత్రి నలుగురు గుర్తుతెలియని దుండగులు కత్తులతో విచక్షణారహితంగా దాడిచేసి తీవ్రంగా గాయపరిచారు. నెత్తుటిమడుగులో ఉన్న రాజలింగమూర్తిని చికిత్స కోసం స్థానికులు ఆసుపత్రికి తరలిస్తుండగానే మృతి చెందారు. భూపాలపల్లి మండలం జంగేడు గ్రామానికి చెందిన నాగవల్లి రాజలింగమూర్తి.. భూపాలపల్లిలోని రెడ్డి కాలనీలో నివాసం ఉంటున్నారు. సాయంత్రం భూపాలపల్లి సెంటర్కు వెళ్లి తిరిగి ద్విచక్ర వాహనంపై ఇంటికి వెళుతుండగా మంకీ క్యాప్ ధరించి కాపు కాసి ఉన్న నలుగురు దుండగులు ఆయనపై కత్తులతో విచక్షణారహితంగా దాడి చేశారు. తీవ్ర గాయాలై రక్తపు మడుగులో పడి ఉన్న రాజలింగమూర్తిని ఆటోలో స్థానిక ప్రభుత్వ 100 పడకల ఆస్పత్రికి తరలిస్తుండగా మృతి చెందినట్టు స్థానికులు చెబుతున్నారు. స్థానికులు ఇచ్చిన సమాచారంతో ఘటనా స్థలానికి చేరుకున్న పోలీసులు దర్యాప్తు చేపట్టారు.