તમે થોડા થોડા થાવ ટેક-સેવી

જમાનો જ હવે નિતનવી ટેક્નોલૉજીથી વાકેફ થવાનો છે... જ્ઞાન વિના નહીં ઉદ્ધાર!

- 

ડિજિટલ દુનિયા કૉલમમાં આજે વાચકમિત્રોએ પૂછેલા કેટલાક પ્રશ્નોના ઉત્તર...

પ્રશ્નઃ ‘ફેસબુક’ કે ‘ઈન્સ્ટાગ્રામ’ પર મેં મૂકેલી પોસ્ટને વધુમાં વધુ લાઈકકમેન્ટ મળે એ માટેનો કોઈ ઉપાય ખરો? ઉત્તરઃ આ માટે તમે હૅશટૅગનો ઉપયોગ કરી શકો છો. ફેસબુક કે ઈન્સ્ટાગ્રામ પર વપરાતી આ એક સર્વસામાન્ય ટેક્નિક છે. હૅશટૅગ એટલે કે કી બોર્ડ પર જે #સિમ્બૉલ છે એ.

તમારી પોસ્ટ જે કોઈ વસ્તુ, વિષય કે વ્યક્તિને સ્પર્શતી હોય એ તમામને તમારી પોસ્ટનું લખાણ પૂર્ણ થાય પછી વારાફરતી શબ્દ સ્વરૂપે લખી નાખો. હવે આ દરેક શબ્દની આગળ # ઉમેરી દો. આસાનીથી સમજવા માટે નીચે મુજબની એક પોસ્ટ તમારી ફેસબુક વૉલ પર મૂકી જુઓઃ

‘ચિત્રલેખા’ મારું ગમતું મૅગેઝિન છે. આ વખતે ‘ડિજિટલ દુનિયા’ કૉલમમાંથી મને ટેક્નોલૉજી વિશે ઘણું જાણવા મળ્યું.' #Chitralekha #Best GujaratiMagazine #DigitalDuniya #TechnologyNewsUpdates #TechnologyTipsandTricks"

જે વસ્તુ, વિષય કે વ્યક્તિ વધુ પૉપ્યુલર હોય; મતલબ કે ઈન્ટરનેટ પર વધુ સર્ચ થઈ રહ્યાં હોય એ શબ્દોનો હૅશટૅગ સ્વરૂપે તમારી પોસ્ટમાં ઉપયોગ કરવાથી એના વિશે સર્ચ કરી રહેલા લોકોનો પ્રવાહ તમારી પોસ્ટ તરફ વાળી શકાય છે. આ રીતે તમારી પોસ્ટ વધુ લોકોની ફેસબુક વૉલ સુધી પહોંચવાથી લાઈક-કમેન્ટ વધવાની શક્યતા પણ વધી જાય છે.

મારા મોબાઈલ ફોનથી જ પ્રોફેશનલ ફૂડ ફોટોગ્રાફી હું કરી શકું?