કૅન્સરમાંથી છૂટ્યાં, હવે જનજાગૃતિમાં વ્યસ્ત ખુશમનબહેન નગદ

ખુશમનબહેન નગદ: પરિવારનો સપોર્ટ, પ્રાર્થના અને મારા વીલ પાવરને કારણે સાજી થઈ.

- 

૨૦૦૬માં સુરતનાં વિનાશક પૂર ઓસર્યા બાદના સેવાકાર્યમાં લાયન્સ ક્લબનાં ડિસ્ટ્રિક્ટ ગવર્નર ખુશમનબહેન ભૂપેન્દ્રભાઈ નગદ પણ જોડાયાં હતાં. નવી સિવિલ હૉસ્પિટલમાં ફસાયેલાં ડૉક્ટર્સ-નર્સ માટે એ પોતાની કારમાં ખાદ્ય સામગ્રીનાં પૅકેટ્સ પોંહચાડવા જતાં. એક દિવસ કાર દ્વારા એ ચોથો ફેરો મારી રહ્યાં હતાં. એકાએક એમનો એક હાથ સુન્ન થઈ ગયો. હાથ ન ઊંચકાય, ન હાથથી કોઈ કામ થાય. સમજો કે હાથ ફ્રીઝ થઈ ગયો. બાદમાં એક હાથે કાર ચલાવીને એ માંડ ઘરે પહોંચ્યાં. એમના પતિ ડૉક્ટર એટલે તરત સારવાર શરૂ કરી. પહેલી નજરે ફ્રોઝન ફોલ્ડરની વ્યાધિ હોય એમ લાગ્યું, પણ તકલીફ વધતાં બાયોપ્સી કરાવી. રિપોર્ટ નૉર્મલ આવ્યો, છતાં એમની તકલીફ ઓછી થતી નહોતી.