ચાઈલ્ડલેસ રહેવાનું ચલણ કેમ વધી રહ્યું છે?

વાંઝણી અને નમાલો જેવા ટોણા સાંભળવાનો છોછ છોડીને સ્ત્રી-પુરુષો સંતાનવિહોણાં જીવનનો વિકલ્પ ઝંખે છે.

- ડૉ. મિતાલી સમોવા

નિઃસંતાન રહેવાની છે અમારી મરજી.

સખી સૈયાં તો ખૂબ હી કમાત હૈ,

મેહગાઈ ડાયન ખાયે જાત હૈ..

કોઈ ને કોઈ કારણસર દેવાના ડુંગર નીચે દબાયેલા રહેતા દેશના ખેડૂતોના આપઘાતના કિસ્સા વિશેની વ્યંગાત્મક હિંદી ફિલ્મ પિપલી લાઈવનું આ બહુ જાણીતું ટીકાગીત છે.

મોંઘવારીને કારણે છેલ્લાં ત્રીસ વર્ષમાં બાળકોને ઉછેરવાં, ભણાવવાં, એમનાં લગ્ન કરવાં, સૅટલ કરવાં એ બહુ ખર્ચાળ બની ગયું છે. એને કારણે દંપતીઓ અગાઉની જેમ ચાર-પાંચ-સાતને બદલે બે બાળક બનો વિચાર અપનાવતાં થયાં, પણ થોભો, વધુ ને વધુ દંપતી ઓછાં બાળક કરવાનું કે બિલકુલ બાળકવિહોણાં રહેવાનું પસંદ કરે છે એ પાછળ મોંઘવારી એકમાત્ર કારણ નથી.