વાસણ વેચીને પુસ્તકો ખરીદ્યાં.. ડૉ. નિરંજન રાજ્યગુરુ

૬૯ વર્ષી ડૉ. રાજ્યગુરુ એક અલગારી પુસ્તકપ્રેમી છે. જીવનના આશરે પાંચ દાયકા વાંચન-લેખનસંશોધનકાર્ય કરી પુસ્તકપ્રેમનાં અલખનો આ ધૂણો એમણે આજેય પ્રજ્વલિત રાખ્યો છે.

- 

ગોંડલથી આટકોટ હાઈ-વે ઉપર સાતેક કિલોમીટર દૂર ઘોઘાવદર ગામની પાદરમાં જમણી બાજુ દરવાજા અને દીવાલ વિનાનો એક આશ્રમ નજરે ચડે છે. ઢાળ ઊતરીને આશ્રમમાં પ્રવેશ કરો એટલે એકવિડયો બાંધો ધરાવતી સાધુ જેવી લાગતી વ્યક્તિ ગાયોને નીરણ નાખતી જોવા મળે. એ આશ્રમમાં રહે છે, પરંતુ સાંસારિક જીવન જીવે છે. આ આનંદ આશ્રમ એ કોઈ દેવી-દેવતાનું સ્થાનક માત્ર નથી, પરંતુ શબ્દોના આરાધકની સાધનાનું સ્થળ છે.