ચોરે ને ચૌટે: હર આદમી મેં હોતે હૈં દસ-બીસ આદમી..

એક સારો ઍક્ટર માણસ તરીકે સારો ન હોય એવું બની શકે? છેલ્લા થોડા દિવસથી અભિનેતા નવાઝુદ્દીન સિદ્દીકી વિશે સમાચાર આવી રહ્યા છે એ આ વાતની સાબિતી આપતા હોય એવું લાગે છે. નવાઝ અને બિવી આલિયા વિવિધ મુદ્દે ઝઘડી રહ્યાં છે અને સંઘર્ષની ચક્કીમાં પિસાઈ રહ્યાં છે એમનાં બે માસૂમ બાળકો.

- કેતન મિસ્ત્રી

અત્યાર સુધી સોશિયલ મિડિયા પર અને રહ્યા હતા. ધાંસૂ ઍક્ટર નવાઝુદ્દીન નવાઝુદ્ધીન સિદાકા અને છૂટાછવાયા સમાચાર આવી સિદ્દીકી અને એની પત્ની આલિયાનો ઘરેલુ ઝઘડો હવે જાહેરમાં આવ્યો છે. નવાઝે કોર્ટ પાસેથી બાળકોની કસ્ટડી માગી છે તો આલિયાએ નવાઝ પર મેરિટલ રેપ, મારપીટના આરોપ લગાવ્યા છે. આટલું હજી જાણે ઓછું હોય એમ ગયા મહિને નવાઝે દુબઈમાં પોતાનાં બાળકોની સંભાળ માટે રાખેલી આયાએ એની પર આરોપ લગાવ્યો કે ‘એના શેઠ નવાઝુદ્દીન સિદ્દીકીએ પગાર જ નથી આપ્યો, ખાવાનાં સાંસાં છે, અજાણ્યા દેશ દુબઈમાં મારી સાથે ઠગાઈ થઈ છે.’ તો નવાઝના છોટા ભાઈ શમાસે એવું કહ્યું કે ‘મારો ભાઈ નવાઝુદ્દીન સિદ્દીકી એક નંબરનો મતલબી છે. ગરજ સરી કે વેદ વેરી જેવો એનો અભિગમ રહ્યો છે. એને કારણે આલિયાએ બહુ સહન કર્યું છે, કરી રહી છે.’

ગયા અઠવાડિયે એક એવો વિડિયો આવ્યો, જેમાં નવાઝના ભાઈઓ એને (નવાઝને) એની માને મળતો અટકાવી રહ્યા છે. તો આ તરફ આલિયાએ એક વિડિયો વહેતો કર્યો, જેમાં એ સજળ નેત્રો સાથે કહી રહી છે કે ‘અત્યારે (રાતે) મને ને મારાં બાળકોને ઘરમાંથી કાઢી મૂકવામાં આવ્યાં છે.’ વિડિયો વાઈરલ થતાં ૪૮ વર્ષી નવાઝુદ્દીન તરફથી એવું બયાન આવ્યું કે ‘એમને કોઈએ ઘરવિહોણાં નથી કર્યાં, બલકે છએક વર્ષ પહેલાં નવાઝે આલિયાને એક સરસ મજાનું ઘર મુંબઈમાં લઈ આપેલું, જેમાં એ બાળકો સાથે રહેતી, પણ એ એણે (આલિયાએ) ભાડે આપી દીધું. એને તો નવાઝના બંગલા પર કબજો કરવો છે. જો કે એ બંગલો નવાઝે એની મા મેહરુનિસ્સા સિદ્દીકીના નામે કરી દીધો છે.’

સચ્ચાઈ શું છે એ તો તપાસ બાદ કોર્ટનો ચુકાદો આવે ત્યારે ખબર પડશે. બન્ને એકબીજાંથી છૂટાં થવા માગે છે. આમ જોવા જઈએ તો એ જોડાયેલાં જ નથી, પણ કદાચ સામસામી આક્ષેપબાજીમાંથી, મનોઝંઝટમાંથી છૂટાં થવા માગે છે. મિયાં-બિવીના વિગ્રહની દાસ્તાન દરરોજ અખબારોમાં આવ્યા કરે છે. રિયાલિટી એ છે કે મન મોતી ને કાચ એક વાર તૂટ્યા પછી સંધાતાં નથી, પણ કહેવાનું એટલું જ કે ધણી-ધણિયાણીનાં બે માસૂમ બાળકો આ બધું ડિઝર્વ નથી કરતાં. એમની સાથે આવું થવું ન જોઈએ. એમની વિષમતા વિશે વિચારતાં પારાવાર ખેદ થાય છે.