કહાની રંગો કી.. કહાની તરંગો કી

૧૬મી-૧૭મી સદી દરમિયાન બ્રિટનમાં રાણી એલિઝાબેથના શાસન વખતે કાયદો થયેલો કે અમુક ઉચ્ચ કક્ષાના લોકો જ જાંબલી રંગનો ઉપયોગ કરી શકે. સામાન્ય માણસો માટે જાંબલી રંગ છેક ૧૮૫૬માં ઉપલબ્ધ થવા પામ્યો

- 

રાણીનો રંગ

આપણે ત્યાં જાંબલી રંગ તરીકે જાણીતા રંગને રાણી કલર નામ અપાયું એની પાછળ રસપ્રદ ઈતિહાસ છે. અસલમાં ૧૯મી સદીના મધ્ય સુધી જાંબલી રંગ મેળવવા માટે મોલસ્ક નામના એક સમુદ્રી જીવનો શિકાર કરવો પડતો હતો. આશરે ૯૦૦૦ મોલસ્કમાંથી માંડ એક ગ્રામ જેટલો જાંબલી રંગ મેળવી શકાતો, જેના પરિણામે માત્ર ઉચ્ચ દરજ્જાના અથવા તો રાજપરિવારના લોકો જ જાંબલી રંગની વસ્તુ ખરીદી શકતા. નાના રાજ્યનો રાજા જાંબલી રંગ મેળવી શકવા સમર્થ ગણાતો નહીં.