નવું વર્ષ, જૂની નજરે

એક આશાવાદી ડૉક્ટરે લખેલ કે ૨૦૨૩માં કૅન્સર, ટીબી ને નપુંસકતા ઉપરાંત ઘણા રોગને નિર્મૂળ કરી દેવાયા હશે. માણસો ૧૦૦ કે ૨૦૦ વર્ષ જીવશે. એક પર્યાવરણવાદીએ લખેલું કે ૨૦૨૩માં વાસણો સિમેન્ટ અને કાગળની લૂગદીમાંથી બનતાં હશે

- 

ઘણા સંશોધકો જ્યાં મળે ત્યાંથી જૂનાં છાપાં-ચોપડી લાવીને એનાં લખાણમાં પેનથી લીટા કરીને સાચવી રાખતા હોય છે. પછી કશુંક તારણ કાઢવાનું આવે ત્યારે ધડાક દેતાં આવાં કટિંગ કાઢીને સંદર્ભ રજૂ કરતા હોય છે. કેનેડામાં પોલ ફેરીર નામના આવા જ ઘેલા સંશોધક છે. એમણે અનેક લાઈબ્રેરીમાં ખાંખાંખોળા કરીને ૧૯૨૩નાં તમામ ન્યૂઝ પેપર્સ વાંચી નાખેલાં. એમણે બીજું કંઈ નહીં, પણ એ અખબારોમાં ખૂણેખાંચરે પ્રકાશિત થયેલી ૨૦૨૩ની સાલને લગતી આગાહીઓનાં કટિંગ કરીને સાચવી રાખ્યાં. અહીં જ્યોતિષીના વર્તારાની વાત નથી, પણ સમાજશાસ્ત્રી, વિજ્ઞાની કે હાસ્યલેખકે કોઈ કારણસર અથવા તો અમથા જ ૨૦૨૩ના નામે કશીક આગાહી ફટકારી હોય એવા સેંકડો ન્યૂઝ પોલ ફેરીરે ચીવટપૂર્વક ગોતી કાઢે