നഗര നടുവിലെ ശാന്തഗംഭീരമായ വീട്

എക്കാലത്തും പ്രസക്തി തോന്നുന്ന മോഡേൺ ഫീച്ചറുകളും സൗകര്യങ്ങളും ഉൾക്കൊള്ളിച്ചു കൊണ്ട് ഒരുക്കിയ വീട്

- ആർക്കിടെക്റ്റ് അന്ന സണ്ണി

കലർപ്പിലാത്ത കാലാതീത രൂപകൽപ്പന, എറ്റവും ലളിതമായി ഈ വീടിനെ ഇങ്ങനെ വിശേഷിപ്പിക്കാം. തിരുവനന്തപുരം നഗരത്തിന്റെ തിരക്കും ഇരമ്പവുമെല്ലാം നിറയുന്ന സ്ഥലത്തെങ്കിലും അതിന്റെ യാതൊരു അലോസരവും താമസക്കാർക്ക് ഒരിക്കലും തോന്നാത്ത വിധം, ഈ വീട് ഡിസൈൻ ചെയ്തത് ആർക്കിടെക്റ്റ് അന്ന സണ്ണി (ഡിസൈൻ കളക്ടീവ്, എറണാകുളം) ആണ്. സിമി ഷിജു, ഷിജു ഷാഹുൽ എന്നിവരുടെ ഉടമസ്ഥതയിലുള്ളതാണ് ഈ വീട്. നഗരത്തിന്റെ തിരക്കുകളോട് മറ പിടിക്കുന്ന വിധത്തിൽ മുഖം മൂടി അണിഞ്ഞൊരു വീടാണിത്. ഒന്നു കൂടി വ്യക്തമാക്കിയാൽ ഹൈവ് എക്സ്റ്റീരിയർ മറ്റു ഡിസൈൻ ശൈലികളൊന്നും കലരാത്ത തരത്തിലുളള കന്റംപ്രറി രൂപകൽപ്പനയാണ് എക്സ്റ്റീരിയറിൽ വരുന്നത്. ലൂവർ എലമെന്റുകളും സ്ട്രക്ചർ പാറ്റേ ണുമെല്ലാം സ്ട്രെയിറ്റ് - ലീനിയർ പാറ്റേണിന് ഊന്നൽ നൽകി ഒരുക്കിയിരിക്കുന്നു. പ്രധാന ഘടനയിൽ നിന്ന് ജി.ഐ കമ്പികൾ വഴി ഹാങ് ചെയ്തു നിൽക്കുന്ന തരത്തിലുള്ള വ്യത്യസ്തമായ കാർ പോർച്ച് ശ്രദ്ധേയമാണ്. സ്റ്റോൺ പേവ്മെന്റ്, തുരുത്തുകൾ പോലെ ഒരുക്കിയ ഗ്രാസ് ബെഡുകൾ, പച്ചപ്പിന്റെ സമൃദ്ധി തിങ്ങിയ ബഫർ സോണുകൾ എന്നിവയെല്ലാം വീടിന്റെ ഭംഗിയ്ക്ക് പൂരകമായി നിൽക്കുന്നതിനൊപ്പം, സ്വകാര്യതയും ഉറപ്പാക്കുന്നു.