യുപിഐ; സ്മാർട്ടാണ്, പക്ഷേ, പോക്കറ്റ് കാലിയാക്കും

വരവറിഞ്ഞു ചെലവാക്കുക, താങ്ങാവുന്നതു വാങ്ങുക എന്നിവയെല്ലാം യുപിഐ വന്നതോടെ ആരും ഗൗനിക്കാതെയായി.

- സി.എസ്.രഞ്ജിത്ത്

പണം കൊണ്ടുനടന്നു ചെലവഴിക്കുന്നത് പഴഞ്ചൻ സമ്പ്രദായമാണെന്നും പകരം വന്ന ക്രെഡിറ്റ് കാർഡുകൾ കടം വരുത്തിവയ്ക്കുന്ന കെണികളാണെന്നും ആശങ്കപ്പെട്ടിരുന്നവർക്ക് പണ മിടപാടുകൾക്ക് അനായാസതയും ലാളിത്യവും നൽ കിയ സാങ്കേതികവിദ്യയാണ് യുണൈറ്റഡ് പേയ്മെ ന്റ് ഇന്റർഫേസ് അഥവാ യുപിഐ. തത്സമയ ചെറിയ പണമിടപാടുകൾ വ്യാപകമായി സാധ്യമാക്കിക്കൊ ണ്ടു സാധാരണക്കാരുടെ പ്രിയ സംവിധാനമായി യുപിഐ പെട്ടെന്നു മാറുകയും ചെയ്തു. എന്നാൽ അടുത്ത ശമ്പളത്തീയതിക്കു വളരെ മുൻപേ അക്കൗണ്ട് കാലിയാക്കുന്നതിൽ യുപിഐയുടെ വരവു പ്രധാന കാരണമായിട്ടുണ്ടെന്നു സ്ഥിര വരുമാനക്കാരെങ്കിലും ഇതിനോടകം തിരിച്ചറി ഞ്ഞിട്ടുണ്ടാകും.

സാങ്കേതിക മികവ്

കേന്ദ്രീകൃത സാങ്കേതിക സംവിധാനംവഴി ഒരു അക്കൗണ്ടിൽനിന്നും മറ്റൊരു അക്കൗണ്ടിലേ ക്കുള്ള ഡിജിറ്റൽ പണമിടപാടുകൾ വിജയകരമായി നടപ്പാക്കിയതിന്റെ ലോകോത്തര ഉദാഹരണമാണ് യുപിഐ. നാഷനൽ പേയ്മെന്റ് കോർപ്പറേഷൻ ഓഫ് ഇന്ത്യ വികസിപ്പിച്ചു വിപുലപ്പെടുത്തിയ യുപിഐ ഒന്നിലധികം ബാങ്ക് അക്കൗണ്ടുകളെ ഒരൊറ്റ മൊബൈൽ ആപ്പിലൂടെ ഇടപാടുകൾക്കു സജ്ജമാക്കുന്നു. സേവനങ്ങളും സാധനങ്ങളും വാങ്ങുന്നതിനു വഴിയോര കച്ചവടക്കാർക്കുൾപ്പെടെ ഡിജിറ്റലായി പണം നൽകാം. ബന്ധുക്കൾക്കും സുഹൃത്തുക്കൾക്കും ഉൾപ്പെടെ ബാങ്ക് അക്കൗണ്ടുള്ള ആരുമായും പണമിടപാട് നടത്താനും യുപിഐ സൗകര്യമൊരുക്കുന്നു.