പരാതി നൽകാം കുറഞ്ഞ ചെലവിൽ പരിഹാരം തേടാം വേഗത്തിൽ

സാധനങ്ങളും സേവനങ്ങളും പണംകൊടുത്തു വാങ്ങുന്ന ഉപഭോക്താവ് പല തലത്തിൽ പറ്റിക്കപ്പെടുമ്പോൾ പരിഹാരം കാണാനുള്ള മികച്ച മാർഗമാണ് ഉപഭോക്തൃ തർക്ക പരിഹാര കമ്മിഷൻ

- ജെയിംസ് മുട്ടിക്കൽ Member, Consumer Protection Council

ഡെബിറ്റ് കാർഡിന്റെ കാലാവധി 2022 ജൂണിൽ തീർന്നിട്ടും പകരം ബാങ്ക് എനിക്കു പുതിയ ഡെബിറ്റ് കാർഡ് യഥാസമയം നൽകിയില്ല.

തൃശൂർ ജില്ലാ ഉപഭോക്തൃ തർക്ക പരിഹാര കമ്മിഷ നിൽ പരാതി നൽകിയതുവഴി കാലതാമസത്തിനു പതിനായിരം രൂപയും, കോടതി നടപടികൾക്കായി അയ്യായിരം രൂപയും നൽകാൻ കമ്മിഷൻ ഉത്തരവിട്ടു. അതും കേസ് ഫയൽ ചെയ്ത തീയതിമുതൽ 9% പലിശസഹിതം യഥാസമയം ഡെബിറ്റ് കാർഡ് ലഭിക്കാഞ്ഞതിനാൽ കോവിഡ് കാലത്ത് വലിയ ബുദ്ധിമുട്ട് അനുഭവി ക്കേണ്ടി വന്നതിനാലാണ് പരാതി നൽകിയത്. ഞാൻ നേരിട്ടാണ് കേസ് വാദിച്ചത്. ബാങ്കിനുവേണ്ടി നാലു വക്കീൽമാർ ഹാജരായിട്ടും എനിക്കു നീതികിട്ടി.

ഇതുപോലെ ഉപയോക്താവ് എന്നനിലയിൽ ദൈനം ദിന ജീവിതത്തിൽ നേരിടുന്ന പ്രശ്നങ്ങളിൽ നിങ്ങ ൾക്കും തെളിവുകൾ സഹിതം ഉപഭോക്തൃ തർക്ക പരിഹാര കമ്മിഷനെ സമീപിക്കാം. ഉപഭോക്തൃ സംരക്ഷണ നിയമം നമുക്കു തീർച്ചയായും നീതിയും നഷ്ടപരിഹാരവും നേടിത്തരും.

ഉപഭോക്ത്യ സംരക്ഷണ നിയമം

ഉപയോക്താക്കളെ ചൂഷണത്തിൽ രക്ഷിക്കാനും അവരുടെ അവകാശങ്ങളും താൽപര്യങ്ങളും സംര ക്ഷിക്കാനുംവേണ്ടി 1986ലാണ് ഇന്ത്യൻ പാർലമെന്റ് ഉപഭോക്തൃ സംരക്ഷണ നിയമം പാസാക്കിയത്. പിന്നീട് ഇതു റദ്ദാക്കി 2019ൽ പുതിയ ഉപഭോക്തൃ സംരക്ഷണ നിയമം നടപ്പാക്കുകയും ചെയ്തു.

പ്രതിഫലം കൊടുത്തോ കൊടുക്കാമെന്ന കരാറിലോ സാധനമോ സേവനമോ വാങ്ങി ഉപയോഗിക്കുന്ന ഏതൊരാളും ഉപയോക്താവാണ്. ഈ ഉപയോക്താ വിന്റെ അവകാശങ്ങൾ സംരക്ഷിക്കാനായി ഉപഭോ സംരക്ഷണ സമിതികൾ, ഉപഭോക്തൃ സംരക്ഷ ണ അതോറിറ്റി, ഉപഭോക്തൃ തർക്കപരിഹാര കമ്മി ഷൻ എന്നീ സംവിധാനങ്ങൾ സർക്കാർ തലത്തിൽ പ്രവർത്തിക്കുന്നു.