വിൽപ്പന:സോഷ്യൽ കോമേഴ്സ് കളം നിറയുമ്പോൾ

ലഘുസംരംഭകർക്ക് നൂലാമാലകളില്ലാതെ ഉൽപന്നങ്ങളോ സേവനങ്ങളോ കുറഞ്ഞ ചെലവിൽ വിറ്റഴിക്കാൻ മികച്ച വേദിയാകുകയാണ് സോഷ്യൽമീഡിയ

- സാജിദ് നാസർ

ഫ്ലിപ്കാർട്ട്, ആമസോൺ തുടങ്ങിയ ഇ-കോമേഴ്സ് ഭീമന്മാർ ചില്ലറ വിൽപനരംഗത്തു വരുത്തിയ മാറ്റങ്ങൾ നമുക്കറിയാം. പരമ്പരാഗത സംരംഭങ്ങൾക്ക് ഇക്കൂട്ടരുയർത്തുന്ന വെല്ലുവിളി ചെറുതല്ല. എന്നാൽ ഇ-കൊമേഴ്സിന്റെ വകഭേദമായ സോഷ്യൽ കൊമേഴ്സ് ലഘുസംരംഭകർക്കും ഉപകാരപ്രദമാകുന്ന ഒന്നാണ്.

എന്താണ് സോഷ്യൽ കൊമേഴ്സ്?

ഫേസ്ബുക്, ഇൻഗാം, എക്സ് തുടങ്ങിയ സമൂഹമാധ്യമങ്ങളിലൂടെ ഉൽപന്നങ്ങളുടെയും സേവനങ്ങളുടെയും വിപണനവും വിൽപനയുമാണ് സോഷ്യൽ കോമേഴ്സ്. ഇ-കോമേഴ്സ് പ്ലാറ്റ്ഫോമിൽ വിൽപന നടത്തുമ്പോഴുള്ള നൂലാമാലകളോ, അതി വേണ്ട സാങ്കേതിക പരിജ്ഞാനമോ ഒന്നും ഇവിടെ ആവശ്യവുമില്ല. സമൂഹമാധ്യമം ഉപയോഗിക്കാൻ അറിയണമെന്നു മാത്രം. ഉദാ: ഫേസ്ബുക് മാർക്കറ്റ്പ്ലേസ്.