തേങ്ങ ഉടയ്ക്ക് മ്യൂച്വൽഫണ്ട് സ്വാമീ..

എന്നെന്നേക്കുമായി മിസാകുന്ന ബസല്ല മ്യൂച്വൽഫണ്ട്. ഹ്രസ്വയാത്രയ്ക്ക പറ്റുന്നതുമല്ല. ദീർഘയാത്ര ചെയ്യുന്നവർ കയറേണ്ട ബസാണ്.

- കെ.കെ.ജയകുമാർ

പതിവു ചായച്ചർച്ചയിലേക്കു ഞാനെത്തിയപ്പോൾ വൈകി. എന്നെ കണ്ടതും "ഇന്നെങ്കിലും തേങ്ങ ഉടയ്ക്കുമോ സ്വാമീ, എന്ന് എല്ലാവരും ചേർന്നു ട്രോളി. എല്ലാവരും ഓഹരി, മ്യൂച്വൽ ഫണ്ട് തുടങ്ങിയവയിലെല്ലാം അവഗാഹമുള്ളവർ. ഇപ്പോഴത്തെ ബൂം കണ്ടിട്ട് എല്ലാ നിക്ഷേപവും പിൻവലിച്ച് മ്യൂച്വൽ ഫണ്ടിലിടാൻ കൊതിക്കുന്നവർ.

കുറെ നാളായി ഞാൻ പറയുന്നു: “ഒരു കറക്ഷൻ വരും. കയ്യിലുള്ളതെല്ലാം മ്യൂച്വൽ ഫണ്ടിൽ ഇടേണ്ട. സിസ്റ്റമാറ്റിക് നിക്ഷേപം മതി. പക്ഷേ, ഓരോ ദിവസം വിപണി ഉയരങ്ങൾ കീഴടക്കുന്നതു കണ്ട് അവരെന്നെ കൊല്ലാക്കൊല ചെയ്യുന്നു. “അന്നു ഞാനാ പണം ഇട്ടിരുന്നെങ്കിൽ ഇന്ന് 30% റിട്ടേൺ കിട്ടിയേനേ,' സുഹൃത്തു വിലപിച്ചു.