360 ഡിഗ്രി ഫീഡ്ബാക്ക്

കട എത്ര വലുതായാലും ചെറുതായാലും സർവതലസ്പർശിയായ ഫീഡ്ബാക്കുകളാണ് ഏതു കച്ചവടത്തിന്റെയും വിജയം നിശ്ചയിക്കുന്ന മുഖ്യഘടകം.

- പുളിക്കൻസ്

ഒരു സിനിമ കാണാനോ എന്തെങ്കിലുമൊരു സാധനം വാങ്ങാനോ പോകുമ്പോൾ, എന്തിന് തട്ടുകടയിൽ കയറുമ്പോൾ വരെ മൊബൈൽ എടുത്ത് എത്ര സ്റ്റാറുണ്ട് എന്നു നോക്കുന്നവരുടെ കാലത്തിലൂടെയാണ് ലോകം കടന്നുപോകുന്നത്. നക്ഷത്രങ്ങളുടെ എണ്ണം, സ്ഥാപനത്തെക്കുറിച്ചുള്ള ഉപഭോക്താക്കളുടെ ഫീഡ്ബാക്ക് എന്നിവയൊക്കെയാണ് കമ്പോളത്തിൽ ഓരോന്നിന്റെയും വിപണിമൂല്യം നിശ്ചയിക്കുന്നത്. അതുകൊണ്ടാണ് ഓരോ കട തുടങ്ങുന്നതിനു മുൻപും പലതരം ആലോചനകൾ സ്ഥാപനമുടമകൾ നടത്താറുള്ളത്. പലതലത്തിലുള്ള അനുഭവസ്ഥരും അല്ലാത്തവരുമായവരുടെ പ്രതികരണങ്ങൾ കേട്ട് അതിൽ വേണ്ടതും വേണ്ടാത്തതും ആറ്റിക്കുറുക്കി, അരിച്ചുപെറുക്കിയൊക്കെയാണ് ഓരോ സ്ഥാപനവും ആരംഭിക്കുന്നത്.