എലിയെ പേടിച്ച് ഇല്ലം ചുടുന്നവർ

ഈടില്ലാവായ്പകളുടെ വലിയ വർധന മൂലം മൂക്കുകയറുമായി ആർബിഐ.

- കെ.കെ.ജയകുമാർ പ്രമുഖ ഫിനാൻഷ്യൽ ജേണലിസ്റ്റും ഇൻഫർമേഷൻ പബ്ലിക് റിലേഷൻസ് വകുപ്പിൽ ഉദ്യോഗസ്ഥനുമാണ് ലേഖകൻ [e-mail]

"അപ്പോൾ അക്കാര്യത്തിലും തീരുമാനമായി. പുച്ഛസ്വരം കേട്ടു ഞാൻ സഹയാത്രികനെ നോക്കി. പത്രം മടക്കി ബാഗിൽ വച്ച് അയാൾ ചിരിച്ചു.

"ആളുകൾക്ക് ആവശ്യമുള്ളപ്പോൾ വായ്പകൾ നൽകുക എന്ന നല്ല ശീലം ബാങ്കുകളും ധനകാര്യസ്ഥാപനങ്ങളും തുടങ്ങിയിട്ട് കുറച്ചുകാലമേ ആയുള്ളു. എന്തൊരു ആശ്വാസമായിരുന്നു. ഇനി പറഞ്ഞിട്ട് എന്തുകാര്യം?' സഹയാത്രികൻ നിരാശയുടെ നിറകുടം തുറന്നു.

ഞാൻ പത്രം വാങ്ങിനോക്കി. ഈടില്ലാവായ്പകളുടെ വലിയ വർധനമൂലം മൂക്കുകയറുമായി ആർബിഐ എന്നതായിരുന്നു വാർത്ത.