ഓൺലൈൻ മൂലം കലഹം സുലഭം

സ്ക്രാച്ച് വീണ റെഫ്രിജറേറ്റർ വൻ വിലക്കുറവിൽ വിൽക്കുന്നതു മുതൽ ഓൺലൈൻ സെയിൽസ് കോ ഓർഡിനേറ്ററാക്കി വരെ പണം തട്ടുന്നു.

- കെ. കെ. ജയകുമാർ

അത്യാവശ്യമായി ഒരാൾക്ക് ഓൺലൈനിൽ പണം ട്രാൻസ്ഫർ ചെയ്യണം. അക്കൗണ്ടിലെ പണം തികയില്ല. ഞാൻ ഭാര്യയെ വിളിച്ചു തുക ട്രാൻഫർ ചെയ്യാൻ പറഞ്ഞപ്പോൾ അവൾ ദേഷ്യപ്പെട്ടു. ആർക്കു കൊടുക്കാനാണ്? എന്തിനാണ്? കയ്യിലെ പൈസയൊക്കെ എന്ത്യേ? നൂറായിരം ചോദ്യങ്ങൾ.

ഇതു പതിവില്ലാത്തതാണ്. പറഞ്ഞാൽ ഇടംവലം നോക്കാതെ ചെയ്യുന്ന സഹായ മനസ്ഥിതി ഉള്ളവൾ

വൈകിട്ടു വീട്ടിലെത്തിയപ്പോൾ തന്നെ വളരെ മോശമായിപ്പോയെന്ന് അവളോടു പറഞ്ഞു. അക്കൗണ്ടിൽ പണം ഉണ്ടെങ്കിലല്ലോ തരാൻ പറ്റൂ. പണം പലവഴിക്കു പോയി. പല ആവശ്യങ്ങളൊക്കെ ഉള്ളതല്ലേ. അവൾ കൂസലും ഇല്ലാതെ പറഞ്ഞു.

സംഗതി വഷളാകുമെന്നു കണ്ട് ഞാൻ ആ വിഷയം വിട്ടു. പക്ഷേ, രാത്രി ഞാൻ ഞെട്ടിയുണർന്നു ലൈറ്റിട്ടപ്പോ ഭാര്യ കട്ടിലിൽ കുത്തിയിരിക്കുന്നു. എന്താ ഉറക്കമില്ലേ? ഞാൻ ചോദിച്ചു.