സ്കൂൾ കുട്ടികൾക്കു വേണം ഒരു നിക്ഷേപപദ്ധതി

പണ്ടുണ്ടായിരുന്ന സഞ്ചയിക പദ്ധതി ഇല്ലാതായതോടെ കുട്ടികളിൽ നിക്ഷേപശീലം വളർത്തിയെടുക്കാൻ പുതിയതൊന്ന് അനിവാര്യമായിരിക്കുന്നു. അതിനു സഹായകരമായ മികച്ചൊരു ആശയമാണു സംസ്ഥാന സർക്കാരിനു മുന്നിൽ അവതരിപ്പിക്കുന്നത്.

- ബാലകൃഷ്ണൻ തൃക്കങ്ങോട്

മികച്ച വിദ്യാഭ്യാസം ഉണ്ടെങ്കിലും കേരളത്തിലാണ് ഏറ്റവും കൂടുതൽ സാമ്പത്തിക തട്ടിപ്പുകൾ നടക്കുന്നത്. കടക്കെണി മൂലമുള്ള ആത്മഹത്യകളും ഏറെയുണ്ട്. പണം കൈകാര്യം ചെയ്യാൻ നമ്മെ ആരും ഒരിടത്തും പഠിപ്പിക്കുന്നില്ല എന്നതാണ് യാഥാർഥ്യം. പുതിയ പാഠ്യപദ്ധതിയിൽ ഇത്തരം വിഷയങ്ങൾ ഉൾപ്പെടുത്തുകയും കുട്ടികൾക്കു പ്രായോഗിക പരിശീലനം ഉറപ്പാക്കും വിധം ഒരു സേവിങ്സ് അക്കൗണ്ട് ആരംഭിക്കുകയും ചെയ്താൽ ഭാവിതലമുറയെ നമുക്കു രക്ഷിക്കാം.