പേരിൽ ബാങ്കെന്നു ചേർത്താൽ ബാങ്കാകുമോ?

കോ-ഓപ്പറേറ്റീവ് സൊസൈറ്റികൾ പേരിനൊപ്പം ബാങ്ക് എന്നു ചേർക്കുന്നത് ബാങ്കിങ് നിയന്ത്രണ നിയമത്തിന്റെ ലംഘനമാണെന്ന് റിസർവ് ബാങ്ക് പല തവണ മുന്നറിയിപ്പു നൽകിക്കഴിഞ്ഞു.

- സി.എസ്. രഞ്ജിത്ത്

കേരള ബാങ്ക്, സഹകരണ അർബൻ ബാങ്കുകൾ തുടങ്ങി റിസർവ് ബാങ്കിന്റെ മേൽനോട്ടത്തിലും പരിശോധനകളോടെയും മെച്ചപ്പെട്ട രീതിയിൽ പ്രവർത്തിക്കുന്ന ഒട്ടനവധി സഹകരണ ബാങ്കുകൾ സംസ്ഥാനത്തുണ്ട്. ഇതിനിടയിൽ ബാങ്ക് എന്നു പേരിൽ കൂട്ടിച്ചേർത്ത് ബാങ്കിങ് പ്രവർത്തനങ്ങൾ നടത്തുന്ന ഇതര സ്ഥാപനങ്ങളും കാണാം.

റിസർവ് ബാങ്കിന്റെ അധികാരപ്പെടുത്തലോ അനുമതിപത്രമോ ഇല്ലാതെ രാജ്യത്ത് ബാങ്കിങ് ഇടപാടുകൾ നടത്തുന്നത് നിയമലംഘനമായതിനാൽ അത്തരം സ്ഥാപനങ്ങളിൽ നിക്ഷേപം നടത്തുന്നതി നെതിരെ പൊതുജനങ്ങൾക്ക് മുന്നറിയിപ്പു നൽകുന്നതോടൊപ്പം കൃത്യമായ ശ്രദ്ധ വേണമെന്നും റിസർവ് ബാങ്കിന്റെ ജാഗ്രതാ നിർദേശമുണ്ട്.

വിളിപ്പേരിൽ മാത്രം ബാങ്ക്

കോ-ഓപ്പറേറ്റീവ് അഗ്രിക്കൾച്ചറൽ ആൻഡ് റൂറൽ ഡവലപ്മെന്റ് സംഘങ്ങൾ, പ്രാഥമിക കാർഷിക സഹകരണ സംഘങ്ങൾ, ബാങ്കുകളുടേതുൾപ്പെടെ യുള്ള സ്ഥാപനങ്ങളിലെ ജീവനക്കാരുടെ സഹകരണ സംഘങ്ങൾ, വിവിധ സഹകരണ സ്ഥാപനങ്ങൾ എന്നിവയൊന്നും ബാങ്കിങ് നിയന്ത്രണ നിയമത്തിന് വിധേയമായി പ്രവർത്തിക്കുന്നവയല്ല.