மருத்துவப் பயன்பாடு கொண்ட மாபெரும் மூலிகைகள்!

அறிவோம்

- மோ.ஞானசேகர்

தமிழ்நாட்டில் பல்லாயிரம் மூலிகைகள் மலைகளில்  கிடைக்கின்றன. பயிராகவும், விளைவிக்கின்றனர். மனிதனுக்கும்,கடைகளுக்கும் மூலிகை மருந்துகள் தயாரிக்க இவை பயன்படுகின்றன. சில முக்கிய மூலகைகள் பற்றி அறிவோம்.

1. துளசி

 இது தமிழ்நாடு முழுவதும் பரவலாகக் காணப்படும். 75 செ.மீ. வரை வளரும். இலைகள் ரோமங்களுடன், நல்ல வாசனையுடன் காணப்படும். பூக்கள் சிறியவை. பழுப்பாக, சிவப்பாக, சிறு சிறு கொத்துகளாக காணப்படும். பல நோய்களுக்கு மருந்தாகப் பயன்படுகிறது.

2. முருங்கை

இது மரப்பயிர் ஆகும். (ஆங்கிலத்தில் Drum Stick என்ற அழைப்பர்) காய், அன்றாடம் சமையலில் பயன்படும்.  மென்மையான இலைகள், வெள்ளை நிற அழகிய மலர்கள், நீண்ட பச்சை காய்களையும் உடையது. மரக்கட்டை வலுவற்றது. பூ, இலை, காய், அன்றாடம் சமையலில் பயன்படும். இதன் இலை, காம்பு, பூ, காய், பிசின், மரப்பட்டை போன்ற அனைத்தும் மருத்துவத்தில் பயன்படுகிறது. முருங்கை விதைகள் பல மருந்துகளில் பயன்படுகின்றன. முருங்கை எண்ணையும் பன் பயன்படுத்தப்படுகிறது. இலையை உலர வைத்து பல மருந்துகளில் பயன்படுத்துகின்றன. ஏற்றுமதி ஆகிறது.

3. கரிசாலை

இது சிறு செடி ஆகும். (ஆங்கிலத்தில் Rolpa prostrate என்று அழைப்பர்) இலைகள் எதிரெதிராக அமைந்தவை. அகலத்தில் குறுகியவை, நீண்டவை, சொரசொரப்பானவை, மலர்கள் சிறியவை, வெண்மையானவை, சூரியகாந்தி மலர் போன்ற தோற்றம் கொண்டவை. கிளைகளின் நுனியில் காணப்படும். வாய்க்கால் மற்றும் வயல்வரப்புகள், சாலையோரங்கள் ஆற்றங்கரைகளில் காணப்படும். கரிசலாங்கன்னி, கையான், கரிப்பான், ப்ரூங்கராஜம், கையாந்தகரை ஆகிய முக்கிய மாற்றுப் பெயர்கள். கரிசாலைக்கு உள்ளது. முழுத்தாவரமும் மருத்துவத்தில் பயன்படும். ஈரல் மற்றும் நுண்ணுயிரி சார்ந்த நோய்களுக்குப் பயன்படும். உள் மற்றும் வெளி பயன்பாட்டிற்கானது.

4. கீழாநெல்லி