പരന്ന മുഖക്കാർക്ക് ശ്വാസതടസ്സം ഭീഷണി

ഇവയ്ക്കു ശരീരോഷ്മാവ് വർധിക്കാനുള്ള സാഹചര്യം തീർത്തും ഒഴിവാക്കണം

- ഡോ. പി. ബിജു ചീഫ് വെറ്ററിനറി ഓഫിസർ (റിട്ട.), മൃഗസംരക്ഷണ വകുപ്പ്. ഫോൺ: 7012402803, 6282557734 E-mail: kingdomanimalia2025@gmail.​com

പരന്ന മുഖമുള്ള ഇനങ്ങളെയും അവയുടെ പൊതുവായ ആരോഗ്യപ്രശ്നങ്ങളും ആദ്യം അറിയാം.

ബോക്സർ, ബുൾ മാസ്റ്റിഫ്, ബോസ്റ്റൺ ടെറിയർ, ബുൾഡോഗ്, ചൗ ചൗ, ലാസ അസോ, പെക്നീസ്, പഗ്, ഷിറ്റ്സു എന്നിവയാണ് ഇക്കൂട്ടത്തിൽ ഏറ്റവും പ്രചാരമുള്ള ഇനങ്ങൾ.

ശ്വാസസംബന്ധമായ പ്രശ്നങ്ങളാണ് ഇവയ്ക്കു പ്രധാന ഭീഷണി. മുൻലക്കത്തിൽ പറഞ്ഞതുപോലെ ഇവയുടെ മൂക്കിനു നീളം കുറവാണ്. മൂക്കിലൂടെ വായു ശ്വാസനാളത്തിലേക്കു കടക്കുന്ന ഭാഗം നീളം കുറഞ്ഞതും ഇടുങ്ങിയതുമാണ്. ചുരുങ്ങിയ നാളത്തിലൂടെ ശ്വാസോച്ഛ്വാസം നടത്തുന്നതിന്റെ ഫലമായി മുരൾച്ച, ശ്വാസംമുട്ടൽ, കൂർക്കം വലി എന്നിവയൊക്കെയുണ്ടാകുന്നു. വ്യായാമം ചെയ്യുമ്പോൾ ഈ ലക്ഷണങ്ങൾ കൂടുതലായി പ്രകടമാകാം. കിതപ്പു കൂടുമ്പോൾ പെട്ടെന്നു തളരുകയും ഭക്ഷണം തികട്ടി വരികയും ശരീരോഷ്മാവ് ക്രമാതീതമായി ഉയരുകയും ചെയ്യാം.

പരന്ന മുഖക്കാർക്കു വേറെയുമുണ്ട് ചില ആരോഗ്യ പ്രശ്നങ്ങൾ.