പ്ലാവുകൃഷിക്കും പവൻമാറ്റ്

മൂന്നരയേക്കർ പുരയിടത്തിൽ പ്ലാവുകൃഷി ചെയ്യുന്ന ജ്വല്ലറി സംരംഭകൻ

- 

പാരമ്പര്യമായി ജ്വല്ലറി ബിസിനസ് രംഗത്താണ് സണ്ണി കണ്ടിരിക്കൽ. 60 വർഷം മുൻപ് പിതാവ് തൊടുപുഴയിൽ തുടങ്ങിവച്ച സ്വർണക്കട നന്നായിത്തന്നെ സണ്ണി നടത്തുന്നു. എന്നാൽ സണ്ണിയുടെ കണ്ണിൽ സ്വർണത്തിനൊപ്പം മൂല്യമുള്ള മറ്റൊന്നു കൂടിയുണ്ടിപ്പോൾ; പ്ലാവു കൃഷി. അതു പക്ഷേ ചക്ക വിറ്റു കിട്ടുന്ന വരുമാനത്തിന്റെ മൂല്യമല്ല. മറിച്ച്, കൃഷിയിലൂടെ ലഭിക്കുന്ന സന്തോഷത്തിന് സ്വർണത്തെക്കാൾ മൂല്യമുണ്ടെന്ന് ഇടുക്കി ജില്ലയിൽ തൊടുപുഴ കുമാരമംഗലം സ്വദേശി കണ്ടിരിക്കൽ സണ്ണി പറയുന്നു.

അഞ്ചു വർഷം മുൻപ്, ടാപ്പിങ് കാലം കഴിഞ്ഞ് റബർ മരങ്ങൾ മുറിച്ചു മാറ്റുമ്പോഴാണ് അടുത്ത കൃഷിക്ക് റബ റിനു പകരം പ്ലാവെന്നു സണ്ണി നിശ്ചയിക്കുന്നത്. ഒരേ നിര യിൽ യൂണിഫോമിട്ട പട്ടാളക്കാരെപ്പോലെ നിൽക്കുന്ന റബർ മരങ്ങൾക്കു പകരം ഇനി, കണ്ണിനും മനസ്സിനും ആനന്ദം നൽകുന്ന മറ്റൊരു വിളയാകാം എന്നു നിശ്ചയിച്ചു. പ്ലാവു കൃഷിയും അതിന്റെ വരുമാന സാധ്യതകളും വലിയ ചർച്ച യായ കാലമായതിനാൽ അതുതന്നെ പുതുവിളയെന്നും ഉറപ്പിച്ചു. സണ്ണി പക്ഷേ, എല്ലാവരും ആവേശത്തോടെ വാങ്ങിയ വിയറ്റ്നാം സൂപ്പർ ഏർളിക്കല്ല മുൻഗണന നൽകിയത്. പകരം, പ്പുഴുക്കിനും ചക്കപ്പഴത്തിനും പറ്റിയ ഇനങ്ങൾക്കാണ്.