ദുബായ് കാത്തിരിക്കുന്നു ജ്യോതിയുടെ ലോലയെ

കേരളത്തിൽനിന്നു ലെറ്റ്യൂസ് കയറ്റുമതി ചെയ്തു ചരിത്രം രചിക്കുകയാണ് കർഷക സഹോദരന്മാരും കൂട്ടുകാരും

- 

ലോലോ ബിയോണ്ട എന്നു കേട്ടിട്ടുണ്ടോ? 'ഒരിനം ലെറ്റ്യൂസ് ആണ്. ബർഗറുകളിലും മറ്റും ഈയിനമാണത്രെ ഉപയോഗിക്കേണ്ടത്. എന്നാൽ, കിട്ടാനില്ലാത്തതു മൂലം ചൈനീസ് കാബേജ് പോലുള്ള മറ്റ് ഇലവർഗങ്ങളാണ് നമ്മുടെ നാട്ടിൽ കൂടുതലായി ഉപയോഗിക്കുന്നതെന്നുമാത്രം. ഇലവർഗങ്ങൾക്ക് പൊതുവേയുള്ള ചവർപ്പ് തീരെയില്ലെന്നതും കറുമുറ കടിച്ചു തിന്നാമെന്നതുമാണ് ലോലോ ബിയോണ്ടയുടെ മികവ്.

നാട്ടിൽ കിട്ടാനില്ലാത്ത ലോലോ ബിയോണ്ട് കൃഷി ചെയ്ത് ദുബായിലേക്കും മറ്റും കയറ്റുമതി ചെയ്യുന്ന ഒരു കർഷക കമ്പനിയുണ്ട് കേരളത്തിൽ, അതും വയനാട്ടിലെ പുൽപള്ളിക്കു സമീപം അതിർത്തി ഗ്രാമമായ കൊളവള്ളിയിൽ കർഷകനായ പി.ജെ സുഖ്ദേവ്, സഹോദരൻ പി.ജെ. ജ്യോതിബസു എന്നിവരുൾപ്പെടെ 10 കൃഷിക്കാരാണ് ഇതിൽ നിക്ഷേപിച്ചിരിക്കുന്നത്. വയനാട് എക്സോട്ടിക് ഫ്രൂട്ട് ഫാർമേഴ്സ് പ്രൊഡ്യൂസർ കമ്പനി എന്നു പേരിട്ടിരി ക്കുന്ന ഈ സംരംഭത്തിന്റെ മാനേജിങ് ഡയറക്ടർ സുഖ്ദേ വാണ്. പ്രശാന്ത് പി.ജെ., ജ്യോതിബസു പി.ജെ., സുഭാഷ് കെ.പി, സുനിൽ ഒ.എസ്. എന്നിവരാണു മറ്റു ഡയറക്ടർ മാർ. ആകെ 4000 ചതുരശ്ര മീറ്റർ വിസ്തൃതിയുള്ള രണ്ടു പോളിഹൗസുകളിൽ പ്രവർത്തിക്കുന്ന ഈ സംരംഭം കേന്ദ്ര സർക്കാരിന്റെ അഗ്രി ഇൻഫ്രാസ്ട്രക്ചർ ഫണ്ടിൽനിന്ന് ഒന്നരക്കോടി രൂപ വായ്പയെടുത്താണു തുടങ്ങിയത്.