പണിമുടക്കാത്ത തൂമ്പ

പിടി വിടാത്ത തൂമ്പ നിർമിച്ച് ഇടുക്കിയിലെ കർഷക ശാസ്ത്രജ്ഞൻ

- 

ലോകത്തുള്ള സകല സാധനങ്ങളും കാലത്തിനനുസരിച്ചു പുതുക്കപ്പെട്ടു. തുമ്പ മാത്രം ഇതെന്താ ഇങ്ങനെ?' ഒടിഞ്ഞുവീണ തൂമ്പാപ്പിടി നോക്കി ശശി ഗൗരവമായി ആലോചിച്ചു.

ഏലത്തോട്ടത്തിലെ പണിക്കിടയിൽ പലവട്ടം ഇളകി വീണ് പണിമുടക്കുന്ന തൂമ്പാപ്പിടികൊണ്ടു മടുത്ത കാലത്താണ് വെൽഡ് ചെയ്തു ചേർത്ത ഇരുമ്പുപിടിയുള്ള തൂമ്പ വിപണിയിൽ എത്തിയത്. അതോടെ മരം ഇരുമ്പിനു വഴിമാറി. എന്നാലതും അധികകാലം കഴിയും മുൻപേ 'പണി' തന്നു. കിളച്ചു കിളച്ച് ഒടിഞ്ഞു പോയ ഇരുമ്പുപിടിയുമായി ശശി ഇരുമ്പു പണിക്കാരനെ കാണാൻ പോയി. "നന്നാക്കണമെങ്കിൽ 400 രൂപ വേണം, പുതിയതിന് (അന്ന് 370 രൂപ, എന്തു വേണം?' എന്ന് ഇരുമ്പുപണിക്കാരൻ. മരപ്പിടി ഇളകിയാലും ഉറപ്പിക്കാം. ഇരുമ്പുപിടി ഒടിഞ്ഞാൽ തൂമ്പ തന്നെ ഉപേക്ഷിക്കേണ്ടിവരും. എങ്കിലും ശശി പുതിയ ഇരുമ്പു തൂമ്പ വാങ്ങി. അതും ഒടിഞ്ഞ് പിടിവിട്ട രംഗമാണ് നമ്മൾ ആദ്യം കണ്ടത്.