നൃത്തരംഗത്തും പുത്തൻ ചുവടുമായി ഇനിയ

സീരൻ എന്ന തമിഴ് ചിത്രമാണ് ഇനിയയുടെ പൂർത്തിയായ മറ്റൊരു സിനിമ.

- 

അഭിനയകലയുടെ മറ്റു മേഖലകളിൽ കൂടി കടന്നു ചെല്ലുകയാണ് പ്രശസ്ത ചലച്ചിത്ര താരം ഇനിയ. “ആയ ഡാൻസ് സ്റ്റുഡിയോ " എന്ന പുതിയ സംരംഭത്തിന് തുടക്കം കുറിച്ച് കൊണ്ട് നൃത്ത രംഗത്തും തന്റേതായ മേൽവിലാസം സൃഷ്ടിക്കാനുള്ള ശ്രമത്തിലാണ് ഇനിയ.

ഇനിയുടെ ഗുരുവായ അരുൺ നന്ദകുമാറുമായി സഹകരിച്ച് ആരംഭിച്ച "ആയ ഡാൻസ് സ്റ്റുഡിയോയുടെ ഉൽഘാടനവും ആദ്യ പ്രകടനവും ദുബായിലെ വേൾഡ് ട്രേഡ് സെന്ററിൽ നടന്ന ഇന്ത്യോ അറബ് എക്സലൻസ് അവാർഡ് 2024 ചടങ്ങിൽ വെച്ച് നിർവ്വഹിച്ചു.

ഒന്നര പതിറ്റാണ്ടിലേറെയായി സിനിമാലോകത്ത് ശ്രദ്ധേയ വേഷങ്ങളിലൂടെ തന്റേതായ ഇടം കണ്ടത്തിയ നടിയാണ് ഇനിയ.

തമിഴിലും തെലുങ്കിലും മലയാളത്തിലും കന്നഡയിലുമൊക്കെയായി ഒട്ടനേകം സിനിമകളിൽ ഇതിനകം താരം കഴിവു തെളിയിച്ചു കഴിഞ്ഞു. അടുത്തിടെയാണ് ഇനിയയുടെ സ്വന്തം ബ്രാൻഡായി അനോറ ആർട്ട് സ്റ്റുഡിയോ എന്ന പേരിൽ ചെന്നൈയിൽ ഡിസൈനർ ഫാഷൻ സ്റ്റുഡിയോ ആരംഭിക്കുകയുണ്ടായത്. അതിന് പിന്നാലെ ഇപ്പോൾ മറ്റൊരു സംരംഭത്തിന് ഇനിയുടെ ആയ ഡാൻസ് സ്റ്റുഡിയോ.