સમાજ મહિલાને દબાવે છે - રિદ્ધિ ડોગરા

રિદ્વિ ડોગરા છેલ્લા ૧૫ વર્ષથી એક્ટિંગ કરી રહી છે, પરંતુ તે હીરોઈન બનવા ઈચ્છતી નહોતી. તે શામક ડાવર પાસેથી ડાન્સની ટ્રેનિંગ લઈ રહી હતી. ત્યાર પછી તેને એક ચેનલમાં નોકરી મળી ગઈ

- શાંતિસ્વરૂપ ત્રિપાઠી

રિદ્વિ ડોગરા છેલ્લા ૧૫ વર્ષથી એક્ટિંગ કરી રહી છે, પરંતુ તે હીરોઈન બનવા ઈચ્છતી નહોતી. તે શામક ડાવર પાસેથી ડાન્સની ટ્રેનિંગ લઈ રહી હતી. ત્યાર પછી તેને એક ચેનલમાં નોકરી મળી ગઈ. જોકે એક દિવસ તેણે આ નોકરી છોડી દીધી. પછી એક દિવસ અચાનક ટોની સિંહે તેને સીરિયલ ‘મર્યાદા : લેકિન કબ તકે?’ માં એક્ટિંગ કરવાની તક આપી દીધી.

ત્યાર પછી રિદ્ધિ ડોગરાએ પાછળ વળીને જોયું નથી. ઘણી બધી ટેલિવિઝન સીરિયલમાં એક્ટિંગ કરવા ઉપરાંત તે ‘નચ બલિએ' અને ખતરો કે ખિલાડી' જેવા રિયાલિટી શોનો ભાગ બની અને ત્યાર પછી વેબસીરિઝ ‘અસુર’, ‘ધ મેરિડ વુમન’ અને ‘ટીવીએ પિચર્સ’ માં પણ જોવા મળી.

પરંતુ રસપ્રદ વાત એ છે કે તે ફિલ્મ સાથે જોડાવા ઈચ્છતી નહોતી. તેમ છતાં એક હીરોઈન તરીકેની તેની પહેલી ફિલ્મ ‘લક્કડબન્ધા' થિયેટરમાં આવી, જ્યારે તે શાહરુખ સાથે ફિલ્મ ‘જવાન’ અને સલમાન ખાન સાથે ફિલ્મ ‘ટાઈગર-૩’ પણ કરી રહી છે.

અહીં પ્રસ્તુત છે, રિદ્ધિ સાથે થયેલી ડોગરા વાતચીતના થોડા અંશ :

તમારામાં એક્ટિંગ પ્રત્યે રસ ક્યારે અને કેવી રીતે પેદા થયો હતો?

મને લાગે છે કે મારા મમ્મીપપ્પામાં કંઈક રહ્યું હશે. મારા મમ્મીએ સ્કૂલ અને કોલેજના સમયમાં સ્ટેજ પર ખૂબ કામ કર્યું છે, જે મારા લોહીમાં આવી ગયું છે. તે જ રીતે મારા પપ્પાને પણ ફિલ્મોનો ખૂબ શોખ હતો.