ખોટા છે મોહનભાગવત

મોહન ભાગવત આજે ઈચ્છે છે કે ગીતાની માન્યતા પણ રહે, રામાયણ, મહાભારત અને એવા સેંકડો ગ્રંથ પણ રહે અને તે પહેલાંની જેમ પછાત, નિમ્ન તથા અસ્પૃશ્ય જાતિ પર રાજ કરવાની યુક્તિ આ ગ્રંથના આધારે નક્કી કરતા રહે

- શંભુ શરણ સત્યાર્થી

રાષ્ટ્રીય સ્વયંસેવક સંઘના સરસંઘચાલક એટલે કે અધ્યક્ષ મોહનભાગવતે ગત દિવસોમાં એક સભામાં કહ્યું હતું કે જાતિ ભગવાને નથી બનાવી, પરંતુ પંડિતોએ બનાવી છે. ભગવાને તો હંમેશાં કહ્યું છે કે મારા માટે બધા સમાન છે. તેમાં કોઈ જાતિ અથવા વર્ણ નથી, પરંતુ પંડિતોએ શ્રેણી બનાવી જે ખોટું હતું.

આગળ તેમણે કહ્યું વિવેક, ચેતના બધું સમાન છે. તેમાં કોઈ જ અંતર નથી. માત્ર મત અલગઅલગ છે. આપણા સમાજની અલગતા અને ઊંચનીચનો લાભ બીજાએ ઉઠાવ્યો છે. તેનાથી આપણા દેશ પર આક્રમણ થયા અને બહારથી આવેલા લોકોએ તેનો ભરપૂર લાભ ઉઠાવ્યો.

પછી તેમણે પ્રશ્ન કરતા કહ્યું હતું કે શું હિંદુ સમાજ દેશમાં નષ્ટ થવાનો ભય દેખાઈ રહ્યો છે? આ વાતને કોઈ બ્રાહ્મણ બનાવી નથી શકતો. તમારે સમજવું પડશે. આપણી આજીવિકાનો અર્થ સમાજ પ્રત્યેની જવાબદારી પણ છે. જ્યારે દરેક કામ સમાજ માટે છે તો પછી કોઈ ઊંચું, કોઈ નીચું કે પછી કોઈ અલગ કેવી રીતે થઈ ગયું?

અહીં પ્રશ્ન એ છે કે સંઘ પ્રમુખ મોહન ભાગવતને આ દિવ્ય જ્ઞાન અચાનક કેમ થયું? તે કયા પુરાવા પર કહે છે કે જાતિ ભગવાને નથી બનાવી, જ્યારે મોટાભાગના ગ્રંથ આ વાતથી ભરેલા પડ્યા છે જેમાં એવું કહેવામાં આવ્યું છે કે જાતિ ભગવાને બનાવી છે? હા આ ગ્રંથ પંડિતો દ્વારા લખવામાં આવેલા છે, પરંતુ ભગવાન પણ પંડિતોએ બનાવેલા છે ને.

‘ઋગ્વેદ’ ના પુરુષ સૂક્તમાં લખવામાં આવેલું છે કે જાતિની ઉત્પતિ બ્રાહ્મણના વિભિન્ન અંગોમાંથી થઈ છે. શું મોહનભાગવત આ ઋગ્વેદને હિંદુઓને ભગવાન દ્વારા સ્વયં આપવામાં આવેલ જ્ઞાન નથી માનતા? આજે મોહન ભાગવત સ્વયંને બચાવવા અને શૂદ્રો તથા દલિતોને ખુશ કરવા અપૌરાણિક વાતો બોલવા લાગ્યા છે.

‘ગીતા’ ના શ્લોક ૪/૧૩ માં કૃષ્ણ ભગવાન કહે છે :

ચાતુર્વર્ણ્ય મયા સૃષ્ટં ગુણકર્મવિભાગશ,

તસ્ય કર્તારમંપિમાં વિદ્રયકર્તાર મવ્યયં.

બ્રાહ્મણ, ક્ષત્રિય, વૈશ્ય અને શૂદ્ર આ ચાર વર્ણનો સમૂહ અને તેમના કર્મ મારા દ્વારા રચવામાં આવ્યા છે.