இப்ப இசையமைப்பாளர்!

மிஷ்கினுக்கு மியூசிக் டீச்சர்... ஏ.ஆர்.ரஹ்மான் கல்லூரியில் பேராசிரியர்...

- எஸ்.ராஜா ஆ.வின்சென்ட் பால்

ஆண்கள் மட்டுமே ஆதிக்கம் செலுத்தும் இசைத்துறையில் பெண் இசையமைப்பாளர்களின் வரவு அரிதாகவே நடக்கும்.

அந்த வகையில் தனக்கென தனிப் பாணியிலான இசையை வழங்கி அனைவரின் கவனத்தையும் ஈர்த்துள்ளார் பாடகியும், இசையமைப்பாளருமான அஞ்சனா ராஜகோபாலன்.

சமீபத்தில் வெளியாகி விமர்சகர்களாலும், ரசிகர்களாலும் வரவேற்பு பெற்ற 'மாயக்கூத்து' படத்தின் இசையமைப்பாளர் இவர்.

'ஆபரா' என்ற ஒருவகை மேற்கத்திய இசையில் புலமை பெற்றவரான இவருக்கு, இயக்குநர் மிஷ்கினுக்கு மியூசிக் சொல்லிக் கொடுத்த பெருமை உண்டு. படத்துக்கு நல்ல வரவேற்பு கிடைத்துள்ள நிலையில் அஞ்சனாவை அவருடைய ஸ்டூடியோவில் சந்தித்தோம்.

இசை மீது ஆர்வம் எப்படி வந்துச்சு?

சின்ன வயசுலேர்ந்து இசை மீது ஆர்வம், ஈர்ப்பு இருந்துச்சுன்னு சொல்லலாம். நான் குறும்புக்காரப் பொண்ணு. ஓர் இடத்துல உட்கார்ர டைப் கிடையாது. இளையராஜா சாரின் 'அஞ்சலி' கேசட் இரண்டு பக்கம் ஓடி முடியறவரை நான் எழுந்துக்கவே மாட்டேன்னு சொல்வாங்க.

என்னை அடக்கி வைக்க அம்மாவுக்கு அது ஒரு ஆயுதம் மாதிரின்னும் சொல்லலாம். அந்தளவுக்கு இசைமீது ஈர்ப்பு இருந்துச்சு. அப்படிதான் இசை என்னை தேடி வந்துச்சு. நானும் இசையை தேடிப் போனேன். அப்படி ஆரம்பிச்சதுதான் என்னுடைய இசைப் பயணம்.

இசைத்துறையில் பாடகியா கத்தான் என்னுடைய டிராவல் ஆரம்பமாச்சு. பட்டப்படிப்பு படித்து வேலைக்குப் போனாலும் இசைதான் என்னுடைய லைஃப்னு முடிவு பண்ணிட்டேன். கர்நாடக இசையை முறைப்படி கத்துக்கிட்டேன். யாரிடமும் க்ளாஸ் போகாம நானே கிடார் கத்துக்கிட்டேன்.

ஆர்க்கெஸ்ட்ரா நோட்ஸ் எழுத ஆரம்பிச்சேன். வெஸ்டர்ன் கிளாசிக்கலின் ஓர் அங்கமான ஆபரா மியூசிக்கை அகஸ்டின் பால் மாஸ்டரிடம் கத்துக்கிட்டேன். 'டிரினிட்டி காலேஜ் ஆஃப் லண்டன்' இன்ஸ்டிடியூட்டில் வாய்பாட்டில் டிப்ளமோ முடிச்சேன். இதுதான் நான் கத்துக்கிட்ட இசைக் கல்வி.

மத்தபடி என்னைச் சுற்றி இருக்கிற இசையமைப்பாளர்களிடம் கத்துக்கிட்ட அனுபவத்தையும் சேமிச்சு வெச்சேன்.

அவ்வளவுதான்னு இல்லாம, ஜெர்மனி, சீனா போன்ற நாடுகளுக்கு டிராவல் பண்ணி அவர்கள் இசையைப் படிச்ச, முடைய இசையை அங்கே பகிர்ந்து என பலதரப்பிலிருந்து மியூசிக் கத்துக்கிட்டேன்.