തവളകുടലിലെ സൂപ്പർ ഹീറോ

ചെറുജീവികളുടെ കാൻസർ പ്രതിരോധം

- ഡോ. സുരേഷ് കുട്ടി

നമ്മുടെ ചുറ്റുമുള്ള ഈ തവളകൾക്കും പല്ലികൾക്കും ഒക്കെ അത്ര പെട്ടെന്നൊന്നും കാൻസർ രോഗം വരുന്നില്ല. എന്തുകൊണ്ടാണത് എന്ന ഒരു സംശയം ശാസ്ത്രജ്ഞർക്ക് പണ്ടേ ഉണ്ടായിരുന്നു.

ഈ ചെറിയ ജീവികൾക്ക് കാൻസറിനെ പ്രതിരോധിക്കാൻ എന്തോ ഒരു കഴിവുണ്ട്. ഇതിന്റെ ഉത്തരം തേടി ജപ്പാനിലെ അഡ്വാൻസ്ഡ് ഇൻസ്റ്റിറ്റ്യൂട്ട് ഓഫ് സയൻസ് ആൻഡ് ടെക്നോളജിയിലെ കുറച്ചു ഗവേഷകർ ഒരു അന്വേഷണം നടത്തി. അവർ തവളയുടെയും പല്ലിയുടെയും കുടലിലെ ബാക്ടീരിയകളെ പരിശോധിക്കാൻ തീരുമാനിച്ചു. അവിടെയാ ണ് കാൻസറിനെ തുരത്താൻ കഴിവുള്ള 'എവില്ല അമേരിക്കാന' (Ewingella americana) എന്ന നമ്മുടെ ഹീറോയെ അവർ കണ്ടെത്തിയത്.