സ്വാതന്ത്ര്യമാണ് സംരംഭം

ഇന്റീരിയർ ഡിസൈനറാകാൻ മോഹിച്ച പെൺകുട്ടി സംരംഭകയായ കഥ

- 

മെഡിക്കൽ സ്പെഷ്യലിസ്റ്റ് ആകാനുളള സ്ക്രൈബിങ് ഏക പരിശീലന പരിപാടിയാണ് DPMS . അടിസ്ഥാന ഇംഗ്ലീഷ് ഗ്രാമറും, സാധാരണ ആരോഗ്യസ്ഥിതിയും ഉള ഏതൊരാൾക്കും ഈ മെഡിക്കൽ സ്ട്രൈബിങ് കോഴ്സിലേക്ക് പ്രവേശിക്കാൻ സാധിക്കും.

അകത്തളങ്ങൾക്ക് ചന്തമേകുന്ന ഇന്റീരിയർ ഡിസനൈറാകാനായിരുന്നു ഈ പെൺകുട്ടിയുടെ മോഹം. എന്നാൽ, പ്ലസ് ടു കഴിഞ്ഞതോടെ വിവാഹ ജീവിതത്തിലേക്ക്. അപ്പോഴും പഠനമെന്ന ആഗ്രഹം മനസിലുടക്കി കിടന്നു. മൂന്ന് കുട്ടികളായപ്പോഴും പഠനമെന്ന മോഹം ഒരു മയിൽപ്പീലി തുണ്ടു പോലെ മനസിൽ വർണങ്ങൾ വിടർത്തി കിടന്നു. ഒടുവിൽ ഫാർമസി കോഴ്സിനു ചേർന്നു. കുടുംബ ജീവിതവും പഠനവും ഒരു തോണിയിൽ കൊണ്ടു പോകാനായില്ല. പഠനം പാതിവഴിയിൽ നിലച്ചു. ജിവിതത്തിൽ ഒന്നുമാകാതെ പോകുമെന്ന അവസ്ഥയിലെത്തിയപ്പോൾ വീട്ടുകാർ താങ്ങായി. വീട്ടിലിരുന്ന് ടെലി കോളിങ് ജോലി ചെയ്തു. ജീവിതം പച്ചപിടിച്ചില്ല. സംരംഭക ആകാനായിരുന്നു നിയോഗം. തിരച്ചിലിനും അലച്ചിലിനുമൊടുവിൽ മെഡിക്കൽ സ്ക്രൈബിങ് സംരംഭം തെരഞ്ഞടുത്തു. പ്രളയം, കൊറോണ വീണ്ടും പ്രതിസന്ധികൾ. ജീവിതം പോരാട്ടത്തിന്റേതായി. പിന്നാലെ ജീവിത പ്രതിസന്ധികൾ, ബാപ്പയുടെ മരണം. ബിസിനസിനെ കൈവിട്ടില്ല. പ്രതിരോധത്തിൽ സംരംഭം മികവുറ്റതാക്കി. പഠിച്ചിറങ്ങിയവർക്ക് സ്വപ്ന സുന്ദര തൊഴിൽ കിട്ടിയതോടെ സംരംഭകയെ ലോകമറിഞ്ഞു തുടങ്ങി. മെഡിക്കൽ സ്ക്രൈബിങ് അക്കാദമി ഫൗണ്ടർ ആന്റ് സിഇഒ അജ്മി ഷാഹുൽ. ഉദ്യോഗാർത്ഥികൾ അജ്മിയെ നോക്കി ഒരേ സ്വരത്തിൽ പറഞ്ഞു; ' നിങ്ങൾക്കൊരു ബിഗ് സല്യൂട്ട് .

തൊടുപുഴയിലെ തറവാട് വീട്ടിൽ നിന്നും ഡി ഫാമിന്പോയ അജ്മി ഷാഹുൽ പോരാട്ടത്തിലൂടെയാണ് സംരംഭക ലോകത്തെത്തിയത്. ആരുടെയും സ്വപ്നമാണ് കൊച്ചി  നഗരത്തിൽ അനുദിനം വളരുന്ന മെഡിക്കൽ സ്ക്രൈബിങ് കോഴ്സ് അക്കാദമി. കഠിനപരിശ്രമത്തിലൂടെ അജ്മി തന്റെ സ്വപ്നം നേ ടിയെടുത്തു. അക്കാദമിയുടെ വളർച്ചയ്ക്കു പിന്നിൽ അജ്മിയുടെ വിയർപ്പുണ്ട്, ഉറക്കമൊഴിച്ച രാത്രികളു ടെ വേദനയുണ്ട്.

അഞ്ച് വർഷം അജ്മി പോരാടുകയായിരുന്നു, ജീവിതത്തോടും സമൂഹത്തോടും. വളർന്നുകൊണ്ടിരിക്കുന്ന എംഎസ്എ അക്കാദമിക്കും സ്ഥാപകയായ അജ്മിക്കും പറയാൻ ഏറെയുണ്ട്.

മൂന്ന് കുട്ടികൾ ജനിച്ച ശേഷമാണ് സംരംഭം തുടങ്ങണമെന്ന ആഗ്രഹം തോന്നുന്നത്. ഈ സമയം വീട്ടിലിരുന്ന് ടെലികോളിങ് നടത്തി വരികയായിരുന്നു. ഒരു സുഹൃത്ത് വഴിയാണ് മെഡിക്കൽസ്ക്രൈബിങിനെ കുറിച്ച് അറിയുന്നത്. കോഴ്സിനെപ്പറ്റി കൂടുതൽ പഠിച്ചു.