ഓളപ്പരപ്പിലൂടെ...

ഒരുദിനം ഉല്ലസിക്കാൻ കൊല്ലം അഷ്ടമുടിക്കായലിലൂടെ ഒരു ബോട്ട് യാത്ര

- റോഷ്നി കെ.

അഷ്ടമുടി കായലിലെ.....അന്നനട തോണിയിലെ...

വയലാറിന്റെ വരികൾ ഈണമിട്ട അഷ്ടമുടി കായലോളത്തിലൂടെ ജലയാ ത്രയായാലോ.. കൊല്ലം പട്ടണത്തിന്റെ ഇരുകരയിലുമുള്ള കാഴ്ചകൾ കണ്ട് കായലിലൂടെയൊരു ബോട്ട് യാത്ര. എല്ലാ തിരക്കുകളും മാറ്റി ഉല്ലസിക്കാൻ ആഗ്രഹിക്കുന്ന കൂട്ടുകാർക്ക് ഈ യാത്രയിൽ ഒത്തു കൂടാം. കളിയും ചിരിയും ഡാൻസും പാട്ടും സെൽഫിയുമെല്ലാം ചേർത്ത് മനോഹര നിമിഷങ്ങൾ അവിസ്മരണീയമാക്കാം.

കൊല്ലത്തിന്റെ ഹൃദയമാണ് അഷ്ടമുടിക്കായൽ. സംസ്ഥാനത്തെ രണ്ടാമത്തെ ഏറ്റവും വലിയ തടാകം.

ശിവഭഗവാന്റെ ക്രോധത്തിൽനിന്ന്എട്ടു മുടികളുള്ള അഷ്ടമുടിക്കായലുണ്ടായി എന്നാണു വിശ്വാസം. കായലും അതിനുള്ളിലെ കരകളും ചേർന്നാണ് സഞ്ചാരികളെ വരവേൽക്കുന്നത്.

പുരാതനകാലത്ത് തുറമുഖപട്ടണങ്ങളിൽ പ്രമുഖസ്ഥാനമായിരുന്നു കൊല്ലത്തിന്. കരയും കടലും കായലുമായി ഇഴകിച്ചേർന്നൊരു പട്ടണമാണ് കൊല്ലം. ജൂതർക്കും അറബികൾക്കും കൊല്ലം പട്ട ണവുമായി വ്യാപാരബന്ധമുണ്ടായിരുന്നു.

സാംസ്കാരികമായി ഉയർന്നു നിർക്കുന്ന പ്രദേശം. ബോട്ട് ജെട്ടിയും കെഎസ്ആർടിസിയും റെയിൽവേയും എല്ലാം വിളിപ്പാടകലെ. കൊല്ലം ബോട്ട് ജെട്ടിയിൽ നിന്നാണ് യാത്ര തുടങ്ങുന്നത്. കെഎസ്ആർടിസിയോടു ചേർന്നാണ് ജെട്ടി. റെയിൽവേ സ്റ്റേഷനിൽനിന്നു 2 കിമീ മാത്രം. കാർ പാർക്കിങ്ങിനും സൗകര്യമുണ്ട്.