വരുന്നൂ ക്ഷമത കൂടിയ ഇന്ധന എൻജിനുകൾ

ഇലക്ട്രിക് മോഡലുകൾ വന്നതോടെ ആന്തരിക ദഹന എൻജിനുകൾക്ക് (ഇന്റേണൽ കംപ്യൻ എൻജിൻ-ഐസിഇ) ഇനി ആയുസ് കുറവാണ് എന്നു പറയുന്നവർക്കുള്ള മറുപടിയാണ് ഈ പുതിയ എൻജിനുകൾ

- കെ. ശങ്കരൻകുട്ടി

വൈദ്യുത വാഹനങ്ങളിൽ ക്രമാനുഗതമായി ഉണ്ടായ സാങ്കേതിക മുന്നേറ്റം ആഗോളവിപണികളിൽ അവയുടെ പ്രിയം കുത്തനെ ഉയർത്തി.ഇന്ത്യൻ വാഹന വിപണിയിലും അതിന്റെ അലയൊലികൾ കണ്ടുതുടങ്ങി. അന്തരീക്ഷ മലിനീകരണം (നിർമാണ ദശയിലല്ലെങ്കിലും ഉപയോഗത്തിൽ) കുറയ്ക്കാനുള്ള കഴിവു കണക്കിലെടുത്ത് പല രാജ്യങ്ങളും ഇവയുടെ ഉപയോഗം പ്രോത്സാഹിപ്പിക്കാനുള്ള നടപടികൾ എടുത്തിട്ടുണ്ട്. വർധിച്ചു വരുന്ന ആവശ്യകത കണ്ട്വാ ഹനനിർമാതാക്കളും ഉൽപന്ന നിരയുടെ ഗണ്യമായ ഒരു ഭാഗം വൈദ്യുത വാഹനങ്ങളാക്കാനുള്ള ശ്രമത്തിലുമാണ്. ഇന്ധന എൻജിനുകൾ ഒരു കാലാവധിക്ക പ്പുറം നിർമിക്കുന്നതും വിൽക്കുന്നതും നിർത്തണമെന്നുവരെ ചില രാജ്യങ്ങൾ പ്രഖ്യാപിച്ചിട്ടുണ്ട്. കാര്യങ്ങൾ ഇങ്ങനെയൊക്കെ ആയിരിക്കെ, ഇന്ധന എൻജിൻ ക്രമേണ ഇല്ലാതാകുമോ എന്നു തോന്നിയേക്കാമെങ്കിലും പ്രായോഗികതലത്തിൽ അവയുടെ ചരമക്കുറിപ്പെഴുതാറായിട്ടില്ല.