சில்க் நகரம் சூரத்

ஒரு இடத்திறகு நண்பர்களுடனோ, தனியாகவோ அல்லது குடும்பத்தினருடனோ சுற்றுலாவாகச் செல்கையில், அந்த இடத்தி லுள்ள சிறப்பான அம்சங்களைப் பார்த்து ரசிப்பதோடு மட்டுமல்லாமல், 2-3 மணி நேரப் பயணத்திலிருக்கும் மற்றொரு இடத் திற்கும் சென்று அங்கே இருப்பவைகளையும் பார்ப்பது சகஜம்.

- திவ்யமீனா

இது போலத்தான், சூரத் செல்பவர்கள் வதோதராவும் சென்று வருகின்றனர். நாமும் முதலில் சூரத்தின் அழகைக் கண்டுவிட்டு வதோதரா செல்லலாம்.

சுத்தமான மற்றும் மேம்பாலங்களின் நகரமென அழைக்கப்படும். சூரத், காந்திநகருக்குத் தெற்கே தபி ஆற்றின் தென் கரையில் அமைந்துள்ளது. ஜவுளி மற்றும் வைரங்களுக்கு அங்கீகரிக்கப்பட்ட இடமிது.

காலனித்துவ வரலாறு, கடற்கரை, கோவில், மியூஸியம் என பல இடங்களைக் காண சுற்றுலாப் பயணிகள் வருகின்ற இடம் சூரத்.

சுவாமி நாராயண் மந்திர்: புகழ் வாய்ந்த தலமாகிய இக்கோவில், சர்தார் பாலத்துக்கு அருகாமையில் இருக்கிறது.

கோவில் சுவர்களிலுள்ள செதுக்கப்பட்ட சிற்பங்கள், கோவிலின் சிகரம் ஆகியவைகள்

பார்க்க வேண்டியவைகளாகும். பகவான் ஸ்ரீசுவாமி நாராயண்; ஸ்ரீகோவிலானந்த் சுவாமி; ஸ்ரீராதா ராணிஜி; கன்ஷியாம்ஜி மகராஜ் என அனைத்து உருவங்களையும் கோவிலினுள்ளே காணலாம்.

இங்கே தங்குமிடம் மற்றும் சாத்வீக உணவை வழங்கும் உணவகம் இருக்கின்றன.

ஸ்ரீகணேஷ் கோவில்: நேர்த்தியாக கட்டப்பட்டுள்ள இக்கோவிலில் பிரம்மாண்டமான விநாயகர் சிலையையும், கோவிலுக்கு மேலே பராமரிக்கப்பட்டு வரும் சிவபெருமான் சிலையையும் கண்டு தரிசிக்கலாம். இங்கிருந்து ஸ்ரீசாய்பாபா மற்றும் ஸ்ரீமாகாளி கோவில்களைக் காணலாம்.