வாழ்க்கையில் எல்லாமே நடக்கும்!

முன்னணி ஹீரோக்களின் பேவரைட் நாயகியான ஜெனிலியா, தனக்கென ஒரு தனித்துவமான இடத்தை திரையுலகில் பெற்றிருந்தவர்.

- ஜெனிலியா

திருமணத்துக்கு பின், தென்னக சினிமாவில் தலைகாட்டாமல் இருந்தவர் தற்போது 13 வருட இடைவெளிக்குப் பிறகு, நடிக்க ஆர்வமாக இருக்கிறார். அவருடன் ஒரு உரையாடல்.

உங்கள் சினிமா ப்ளாஷ்பேக் பற்றி?

நான் தமிழ், தெலுங்கில் பல அற்புதமான படங்கள் நடித்துள்ளேன். நான் நடித்த படங்கள் மற்றும் நான் சித்தரித்த கதாபாத்திரங்களைப் பற்றி நான் பெருமைப்படுகிறேன்.

தென்னிந்திய படங்கள் எனக்கு கற்றல் களம். சந்தோஷ் சுப்ரமணியத்தின் ஹாஸினி மிகவும் மறக்கமுடியாத கதாபாத்திரம்.

இப்போதும் கூட ரசிகர்கள் என் கதாபாத்திரங்களின் பெயரைச் சொல்லி அழைக்கிறார்கள். அது ஒரு நடிகையாக எனக்கு மிகுந்த மகிழ்ச்சியைத் தருகிறது.

முன்னணி நடிகையாக இருந்த போதே நடிப்பில் இருந்து விலகிவிட்டீர்கள். ஏதேனும் வருத்தங்கள் உள்ளதா?

இல்லவே இல்லை, ஹிந்தி, மராத்தி படங்களில் தொடர்ந்து நடித்துக்கொண்டிருக்கிறேன். தென்னிந்திய படங்கள்தான் மிஸ்ஸாகி உள்ளது. காரணம், வாழ்க்கை வெவ்வேறு கட்டங்களைப் பற்றியது, வாழ்க்கையில் எல்லாமே நடக்கும். நடிக்க ஆரம்பித்த 10 வருடங்களுக்குப் பிறகு, நான் ஒரு இடத்தைப் பார்த்தேன், அந்த இடத்தில் நான் இன்று மகிழ்ச்சியாக இருக்கிறேன்.