കീശ കാലിയാകാതെ ഒരുക്കാം പൂന്തോട്ടം

കുറഞ്ഞ ചെലവിൽ ഭംഗിയുള്ള പൂന്തോട്ടം ഒരുക്കാൻ അറിയേണ്ടത്

- ജേക്കബ് വർഗീസ് കുന്തറ റിട്ട. പ്രഫസർ, ബോട്ടണി വിഭാഗം, ഭാരത് മാത കോളജ് എറണാകുളം

വീടുപണി തീരാറാകുമ്പോൾ പോക്കറ്റും കാലിയായിട്ടുണ്ടാകും. ഇതോടെ പൂന്തോട്ടമൊരുക്കാനുള്ള ചെലവ് താങ്ങാനാകാതെ വരാം. മനസ്സ് വച്ചാൽ കുറഞ്ഞ ചെലവിൽ സ്വയം പൂന്തോട്ടമൊരുക്കാവുന്നതേയുള്ളൂ. രണ്ടു സെന്റിൽ (ഏകദേശം 870 ചതുര ശ്ര അടി) പൂന്തോട്ടം തയാറാക്കാനുള്ള വഴികളറിയാം.

പടിപടിയായൊരുക്കാം

പൂന്തോട്ടമൊരുക്കേണ്ട ഇടത്തെ വെയിലിന്റെ തോത്, വെള്ളത്തിന്റെ ലഭ്യത, മണ്ണിന്റെ ഘടന തുടങ്ങിയവ പരി ഗണിക്കണം. പൂന്തോട്ടത്തിനുള്ള ഔലൈൻ കടലാസിൽ വരയ്ക്കുക. പുൽത്തകിടി, നടപ്പാത, പൂത്തടം, മതിലിനോടു ചേർന്നുള്ള അതിര്, ചെടികൾ തുടങ്ങിയവ അടയാളപ്പെടുത്തണം. ഇവയ്ക്കു വേണ്ട സ്ഥലവും നൽകേണ്ട ആകൃതിയും സ്കെച്ചിൽ കാണിക്കാൻ മറക്കേണ്ട.